匯控變弱股
2017/04/10 08:48:50
網誌分類: 經濟
上週五美國向?利亞射導彈，特朗普又與習近平舉行高峰會，美股走勢與前幾日差不多，都係早段造好，臨收市打回原形，接近平手離場。杜指收市跌7點，報20656點；標普500指數跌2點至2356點。
對股市投資者來說，上週五可以講
係意外頻生，先係美國突然發射60枚導彈空襲敘利亞，公佈的3月非農就業數意外地遠差過預期。更意外的是美股不單未有美國開戰而下跌，反而造好，美股由朝早逐步走上，午後由跌轉升。
但午後紐約聯儲主席杜德利（William Dudley）表示美國應該考慮微調Dodd-Frank法案，言下之意是不應全面推翻這條嚴厲管束美國銀行業的法案，令到市場對銀行監管條例將獲得鬆綁的熱情，猶如淋了一盤冷水。杜德利又話，如果聯儲局開始削減其4.5萬億美元的資產負債表規模，也只會把其利率正常化的計劃略為停頓一下。杜德利的說話，即時拖累杜指尾市由高位回順60點，以接近平手離場。美國10年期國債息亦輕微上升至2.37厘。
另一道壓住美股的力量來自美國經濟數字不理想，美國上週五公佈的3月非農就業增長只有9.8萬人，遠遠低過市場預期的18萬，而失業率則由上月的4.7%下降至4.5%。工資增長也不如預期的強勁，年化計算，平均時薪只增長了2.7%。而亞特蘭大聯儲基於汽車銷售不濟，把美國第一季GDP增長預期由1.2%降低至0.6%。
上週五領跌的行業仍然係銀行股，銀行股近期連番下跌，顯示銀行業可能真的出了問題。有紐約分析師指出，估計係銀行第一季度表現與市場預期出現差距，首先係市場預期金融業盈利增長會有15%，可能有點高，其次係市場預期美國利率上升，利好銀行的息差，聯儲局確實有加息，但加息速度似乎會比預期的放慢；第三是貸款增長弱過預期; 最後係由於汽車銷售放慢，雖然整體信貸仍未重到太大衝擊，但危機正逐步展現。
標普銀行股票基金股價近期逐步回落，已經與高位相差一成！不過，我覺得也可能係銀行股在特朗普去年11月當選以後，升得太急勁，現在出現正常回吐，睇銀行股現時的平均價，仍比大選前高20%！就可見一斑。
不過香港隻匯控(005)
就唔掂啦，去年11月頭佢已經60元，但如今只有63.25元，只係升咗5.4%，佢在業績公布日之前升到69.1元的高位，之後就唔掂，佢除了受外圍銀行股回落影響之外，更重要係業績不如理想，加埋無新的回購計劃，令市場對佢睇法負面，又見到匯控高層在回購中不斷減持，自己高管都唔睇好，其他人更加難有信心。所以大市再衝向24600點的高位，匯控只係在63、64元之間橫行，已經變成弱股。 另外，美股睇流動狀況，都解釋到近期點解咁弱，上星期本地的證券基金，句包括股票基金（ETF）及共同基金（Mutual Fund）共流出129億美元，係近期最多，資金主要流入歐洲股票，例如安碩MSCI歐盟共同基金（當中包含了很多歐洲大股）這幾個星期的連續錄得資金流入。
陸羽仁
回應總數
陸羽仁 BLOG 舊文
來源 source: http://blogcity.me
