You are where you go
圖片來源：牛角日本燒肉專門店 Facebook
第一次約會，找個藉口好緊要。記住，是藉口，不是理由。
藉口是不用 make sense的，因為 make sense 就不浪漫了。你同靚女同事喺公司等𨋢，你同佢講，「第一個喺部𨋢出嚟嗰個，如果係女人，
聽晚請你食飯」。你們屏息靜候，結果讓她失望，因為出嚟嗰個係男人。
但她還要強裝一個勝利的表情，說：「too bad喎。」
廣告
上帝早已預備，你不需要運氣，淡定的你，斯然回答：「的確 too bad，出嚟嗰個係女人，聽晚請你食飯，如果係男人，要今晚食，希望你冇約人。」
約女仔食飯，個藉口 lame 唔緊要，因為如果佢對你有意思，幾 lame 佢都會覺得 romantic。相反，你個款唔夠…… 好，有啲口德，費事積咁多口孽…… 你個款唔夠大路，走嘅係偏鋒路線，約會就一定要理由，即係有咁 practical 得咁 practical。
廣告
幾乎要揚威國際的牛角約會男主角，原來是找女主角散貨，計番個傭。
自問個 look 不是別人那杯茶的話，假公濟私這策略是可以理解的。
先天不足不要緊，後天的品味可以化腐朽為神奇。
但旺角瓊華中心六樓，絕對不是 exhibit 品味的選擇。
事主畀得起二千幾蚊去食第一餐飯，香港起碼有超過一百個比牛角更好的選擇。咁當然，我唔知牛角有幾好食，但一講到 first date，關鍵永遠唔係食物嘅質素，而係人哋對你嘅 first impression，you are where you go 嘛。
食嘢冇品味都算喇，著衫畀啲心機嘛，鬆身 tee 好蝦人著㗎喎，Jay Z 同 Eminem 咁鬼 hip hop 都冇走 baggy 路線好耐喇。我知你嗰件係 bathing ape，但呢啲乜嘢 Supreme 呀 Yeezy 呀，係男人著嚟自我滿足㗎喳，有質素嘅女仔唔 buy street brands 㗎喎。Of course，Beyonce 係例外啦，人哋老公著嘅 street brand 係佢自己 own 㗎。
真相其實已經大白，女主角最後堅持畀番錢，令個男人知道佢呢個綺夢已經發完。
佢想 bock 佢，點知佢就 block 佢，老羞成怒是正常的。
幸好，香港人的轉數還是快的，令呢單本來純粹笑料嘅新聞多咗一層 economic value。話說，牛角老闆仲要慌死燒你唔熟，立即推出「網燒 AA 祭情人」套餐，火上加油，神級 marketing，捨他其誰。「祭」字玩得夠抵死，不過玩時玩，一餐飯隨時搞到當事人畀 friend 笑一世，所以好好醜醜應該畀番張貴賓卡兩位主角，好讓他們知道，血沒有白流。
來源 source: http://thestandnews.com
生活 - 葉朗程 舊文
