經濟客艙：9月最大未知數
■耶倫喺Jackson Hole央行年對縮表同加息隻字不提。 資料圖片
恐懼，最令人不安就是無法掌握與種種未知。投資路上走唔出呢個盲點，勝算有幾高都無用。
耶倫喺Jackson Hole央行年會實在講得太少，縮表同加息隻字不提，金融改革立
場又跟美國特朗普提倡放寬監管立場對著幹，難怪大家都話「冇乜料到」。耶倫總算為儲局保持貨幣政策立場獨立性，扳回一城，亦好明顯耶倫對特朗普嘅立場不太滿意。
耶倫喺呢個場合向特普朗擺姿態，令耶倫無意連任儲局主席嘅消息亦不脛而走。相信耶倫捍衛美國金融監管體制嘅考慮已經超越黨派之爭，金融海嘯嘅教訓仍歷歷在目，唔想有人漠視危機來臨，明知道係深淵，亦照樣矇住雙眼行落去咩。
政治因素對市場影響最難測亦無得預測。儲局由金融海嘯後推出三輪QE，喺市場買入大量國債和MBS，等同市場注入流動性，實際上有幾錢落入實體經濟邊有得計。現時市場好擔心縮表令市場流動減低，但又唔需要太過驚，事關儲局唔投資，唔代表銀行或者機構投資者唔會吸納。不過，最令大家難以安枕，就係縮表令債息升。過去八年幾，大家處於超低息環境，就梗係唔介意低回報啦，2厘、3厘回報亦接受。當儲局開始縮表後，美國10年期國債孳息又真係上返3厘，大家將投資回報比一比，如果冇4厘、5厘都覺唔合理。大家咁想耶倫露嚇口風，就係因為由資金由債市抽調出來嘅影響力，確實難以估計。
FB page：https://www.facebook.com/seeforcaptain/
Captain Cool
經濟客艙 - Captain Cool 舊文
來源 source: http://hk.apple.nextmedia.com
