財經評論：真正「窮人恩物」
■龍裕樓一個實用面積544方呎的高層單位，今年6月以124.06萬元售出。 資料圖片
香港社會出現了「有樓等同有妞」的理念，到底有層咩樓先係贏家？首置上車盤仲得個講字，「租置公屋」的業主或許是其中一個贏家。
近期本報不下一次報道過「租置公屋」，房屋署資料顯示，今年首
六個月，全港共錄得1,500宗租置公屋成交。租置公屋受歡迎，原因就是平，有九成單位售價低於100萬元，部份更低至10萬元，馬鞍山耀安邨一個開放式127方呎低層戶，以10.29萬元售出。
至於盛產最多租置公屋王，就是九龍東的黃大仙下邨，其中龍裕樓高層6室，實用面積544方呎，今年6月以124.06萬元售出，成交呎價高達2,281元，屬全港呎價最貴租置公屋。記者仲好記得，當日晚上膽粗粗去拍門，希望訪問到該個龍裕樓的租置戶，結果成功訪問到業主鄔太，她當時拋下了好幾句金句，其中一句是「供完25年就係自己，交多幾多年租都唔係自己」，更豪言一定「唔會買錯呢層樓」。
那一刻，記者同身旁的攝影師都大表認同。雖然都要七位數上車，但對比同區隔籬的私樓現崇山，一個中層567方呎的單位，都要890萬元成交，夠買7間龍裕樓租置公屋，如是者，租置公屋已成為住宅類別中，真正的「窮人恩物」，有資格成為租置公屋業主，絕對是人生贏家。或者盧宛茵主演嘅《公屋潮文》微電影，住公屋的準女婿再無需受盡白眼，隨時有好飯食之餘，又有雞脾食。
記者:黃嘉銘
財經評論 舊文
來源 source: http://hk.apple.nextmedia.com
