魚樂無窮：三重驚喜在眼前
■王忠桐表示，再無考慮私有化計劃，已部署接班事宜，新人事新面貌值得憧憬。 資料圖片
王氏港建（532）上周五宣佈，在市場回購55.4萬股，每股作價1.04至1.07元，昨日股價隨即抽高9%。
「回購幾十萬股啫，邊有咁大影響力呀？」千祈唔好睇少呢幾十萬，其實
暗藏玄機。首先，翻查上星期五成交，合共59.8萬股，意味回購盤佔去超過九成，搶貨意慾爆曬燈；其次，翻查資料，王氏港建對上一次回購乃2000年，17年後的今天突然再次出手，驚喜打孖上。
第三個驚喜會係乜？有兩個可能性︰
第一，王氏港建10年前私有化失敗，自此以後，市場間唔中也會炒作相關傳聞，不過，主席王忠桐日前表示，並無再考慮相關計劃，但已部署接班事宜，新人事新面貌值得憧憬；第二，集團宣佈引進兩項有助紓緩癌症治療副作用的先進醫療器材，減少患者接受治療時產生的副作用，對旗下業務百利而無一害。
說到尾，數字永遠不會騙人，主打電子產品貿易及製造嘅王氏港建，近年連年賺錢兼派息，每股NAV高達2元，現價相當於六折大平賣，兼有4厘息墊底，極具吸引力。從圖表出發，只要突破1.2元水平阻力區，應有一番作為！
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
