智取大市：2018前點樣進攻
■吉利剛破頂。資料圖片
科網股大爆發之後，開始進入調整，就輪到吉利（175）開車，正如上期所述，9個交易日後就係11月底對沖基金年結（計及T+2因素），然後外資基金佬相繼放假，沽貨意欲大減，剩番大媽喺度為所欲為。因此估計強勢股大漲小回，輪流搶高。
如果
近排「高追、揩嘢」，咁啱買完回吐又要捱價，只要基本因素唔會出現大問題、坐得穩嘅股，未來30個交易日之內倒升機會仍大，毋須太驚慌，即使係啱啱短線升浪完結嘅科網股，同上述剛破頂嘅吉利，相信去到年底，股價一樣會比𠵱家高。
最理想做法，係坐住一批走勢對辦嘅股份，盡量保持全個倉都係大漲小回，順利嘅話，當大部份持股甚至全個倉都保持大漲小回嘅話，就開始奉行少做少錯嘅做法，咪多手出出入入。個股升勢當然有快有慢，但目標去到年底，拉勻全倉回報一至兩成，希望能夠達到。
有網友問到，嚟緊係咪將會牛三？小弟唔用牛唔牛三嚟形容未來市況，只會判斷幾時較大機會屬於安全期，然後喺安全期之中把握機會爭取回報，咁講係咪去到出年1月就唔安全？冇咁講過，後話當然等呢浸博得中先再講。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com
