不問價追 - 小炒王梁心欣 2017年11月24日
【不問價追】被遺漏的北水股（小炒王梁心欣）（第152期）
2017-11-23 21:00:39
呢期個個為北水而瘋狂，小炒王上幾個星期就發現北水係咁流入環球醫療（02666.HK），當時股價衝到去8.47呢啲上市高位，近日股價回調咗成蚊，但北水無點走過，小炒王覺得係機會吸納佢啦。
講返基本資料先，環球醫療集團是中國最大型的綜合醫療解決方案供應商。集團向醫院客戶提供一系列綜合醫療服務，包括(1)構成集團業務主要部分的設備融資；(2)醫療行業、設備及融資諮詢服務；及(3)科室升級服務。公司係2015年7月上市，招股價8.18元。
睇返資料，環球醫療大股東係央企中國通用技術集團，個名咁鬼似美國嗰間GENERAL ELECTRIC，好明顯就係中國版GE啦，阿媽境內外擁有過千億資產，實力相當雄厚。而擁有3間上市公司平台，分別係中國醫藥（600056.HK）、中國汽研（601965.HK）同埋環球醫療（02666.HK）。有個咁勁的阿媽，小炒王覺得環球醫療前途一片光明。
公司首9個月除稅前溢利12億，同埋增長3成左右，今年盈喜相信無走雞，但係呢個唔算勁，睇番過去幾年的增長，每年都有3至4成，以呢個復合增長去睇，現時股值係超級平，加上十九大後國家政策特別看重醫療福利，小炒王覺得梗有一兩隻醫療股係手，早前同大家推介過華潤醫藥（03320.HK），第二隻心水就係環球醫療。
公司一直做緊醫療融資租賃業務，業績有目共睹，而公司近年開展醫院投管業務，其中一個醫院邯鄲第一醫院將會在2017年Q4落地，而公司與西安交通大學第一附屬醫院合作國際陸港醫院項目正式開始，呢行新業務俾到市場好大的憧憬。
環球醫療呢個新業務模式主要分兩種，一係合資新建醫院，二係接管舊醫院去管理，收取管理費之外，仲提供埋醫療設備，以及藥品的供應鏈管理，小炒王覺得呢個模式係好搵錢的，就好似香港的私家醫院咁，超級賺錢。
不過，新業務要等2018年業績先睇到，仲有時間俾大家準備跟北水建倉，但係睇返舊有業務，每年增長3、4成，12、13倍往績PE，2厘幾息，真係好抵買，最緊要係北水已經買到10%，未來肯定會再來搶貨，重奪定價權後，隨時好似隻長飛光纖光纜（06869.HK）咁，由6個幾上市炒到$38.8，小炒王今日推仲環球醫療，中長線收集博倍升。
不問價追 - 小炒王梁心欣 舊文
來源 source: http://www.winmoney.hk
