【股場解密】基建鐵路股要上車（歐陽風）（DEC 20）
2017-12-19 21:41:10
美國稅改投票篤定過關，港股連續兩日造好，不過成交都少於千億元，反映資金不敢不舉入市，氣氛偏向審慎。事實上過去一個月已出現了大規模的獲利沽貨現象，即使指數可以再挾高，亦不代表普遍股份
可以像今年以來的表現一樣，由頭升到尾。
科技股睇落唔似可以創新高，反而唔少中資股可以留意，其中又以基建股最被睇好。大和總研近日發表研究報告，將中車時代電氣（03898.HK）目標價由39元大幅上調至50元，評級由「持有」升至「優於大市」。
該行預期集團明年業績持續復甦，動車組出貨自今年第四季加快，出貨量增長料可延續至明年。該行對公司研發能力有信心，而且銷售組合逐步轉向非軌道交通項目，被視之為正面的轉變。
若嫌此股升得太快，中國中車（01766.HK）亦可留意，又係大和睇好股票之一，但更早前已被高盛睇好，高盛報告指，中國鐵路設備行業的下行周期相信已經完結，料明年下半年新定單回升，於2020年開始進入上行周期。
高盛將中車投資評級由「沽售」升至「買入」，列入確信名單，並指中車H股目前估值較A股吸引，把目標價調升至9.5元。現價計有逾1.5元上升空間，相當吸引。
早前招商證券也指出，2020年之前中國鐵路建設可望加快，以配合「十三．五」規劃，鐵路設備生產商收入亦將水漲船高，呢個行業開始多人睇好。
#股場解密 #歐陽風
作者簡介：擅長鑽研公司通告與財務報表，發掘細價股、財技股及增長股
股場解密 - 歐陽風 舊文
來源 source: http://www.winmoney.hk
