【實力取勝】點解要睇「十二點半陳承龍」？（陳承龍）（第156期）
2017-12-21 17:16:55
北海道真係好凍，唔知大家喺香港凍成點呢？至於呢個trip玩過啲咩，留返喺Live節目講，雜誌都係講返股票先。打呢篇稿之時，小弟仲喺北海道，雖然距離香港好遠，但都感受到短期
要上返30,000點唔係咁易，之前升市兩大主力騰訊（00700.HK）同平保（02318.HK）都唞緊氣，後市會點呢？
雖然指數唔升，但炒騰訊同平保嘅錢，明顯去咗炒細價股。呢幾日小弟喺北海道越洋推介嘅「十二點半陳承龍」，都有唔錯表現，證明咗細股已經湧緊入細股，例如實力建業（00519.HK）、力勁科技（00558.HK）同賽晶電子科技（00580.HK），所以想炒即市細價股，記得留意「十二點半陳承龍」，小弟放假都唔會偷懶，只要搵到好冧把，下次去到北極都照派老冧畀大家呀，記得捧場啦。
如果要揀短期心水，一定係保利置業（00119.HK）。嗱，數真係咁計，唔好噓呀！保利要喺5年要派138.5億元人民幣，平均每年派27.7億元或33億港元，即係每股派0.90元，現價息率高達21厘，假設降至5厘，就值18蚊，好誇，中長線慢買貨嚟坐，都幾爽皮㗎。點解要咁派息？就真係有故講。
保利系包括有上海上市嘅保地同及香港上市嘅保置，近年母公司中國保利集團，多次強調會將高達4,000幾億元資產注入保利系，這對總市值為千多億元的保地及保置而言，意味將來還有高達兩倍多的注資空間可期！
保地早前公布擬用現金方式，向保利集團購入保利香港控股50%股權，成交價為23.82億元；另再按50%持股比例，承接保利香港控股應償還保利集團嘅股東借款本金同應付未付利息約27.71億元，而保利香港則持有保置40.39%股權，計計數，保地係以總代價近51.53億元，購入約7.32億股保置，即係8.1港元一股。保地市值高達1,500億元，但保置得150億港元，即係保置有升10倍嘅條件。
保利系有軍方背景，一係唔炒，一炒就炒到癲。保利置業早幾年都炒過上10蚊嗰啲位，現價都仲係好鬼抵，今次/股用8.1元作價買，點計都抵，呢排買內房，識買一定買119。想知其他有咩好股？記得記得記得留意「十二點半陳承龍」。
實力取勝 - 陳承龍 舊文
來源 source: http://www.winmoney.hk
