不問價追 【不問價追】盡早部署（小炒王梁心欣）（第156期）
2017-12-21 17:22:33
話咁快嚟到年尾，小炒王連日來嘅動作係執倉，準備2018年的第二浪。相信個市係明年春節前，都係咁上上落落，無咩大方向出來，不如做下功課。
明年有咩股跑出來? 大家可以諗
下11-12月喺呢個浪，大家可以睇到內銀股如工行（01398.HK）、建行（00939.HK），以及國際性銀行匯豐（00005.HK）等，股價都幾強勁，好明顯係有資金在部署，所以明年第一季炒銀行應該係不二之選。小炒王繼續同大家推介銀行股為核心持股之一。
早幾日，泛海金融控股（00952.HK）宣佈3供8，集資182億元，約40%用作支持及擴展證券業務；20%擴展結構性融資業務；10%發展自營買賣業務；30%用於策略性收購。好明顯就係供錢大行動，一旦供完之後，公司多咗近181億嘅錢，呢筆數真係好，大家可以諗下，供咁多錢來做咩？呢啲大佬喺度準備緊糧草，所以明年個市，上半年都應該唔會差得去邊，隨時有一兩個事件，觸發到港股爆大單邊向上。
假如真係大單邊，應該買乜？會唔會再係股王騰訊（00700.HK）? 近期國家主席習近平強調加快建設數字中國，習表示應深入了解大數據對經濟社會發展的影響，推動實施國家大數據戰略，加快完善數字基礎設施，推進數據資源整合和開放共用，保障數據安全，加快建設數字中國。
科技股近日調整唔少，小炒王諗緊係咪撈底嘅機會，定係繼續沽科技買金融，但係唯一肯定既就係雲嘅應用，呢方面最好就係騰訊同阿里雲，跟住就浪潮（00596.HK）雲，再之後先到金蝶（00268.HK）同金山（03888.HK）雲，小炒王之前同大家分享過，未來真係可以留意浪潮雲，上個星期小炒王Tasty Pick推介時大約係$2.1水平，依家都有輕微利潤。但呢浪潮啲科技股仔，絕對唔係博大單邊嘅材料。
若果香港真係出現大單邊，第一時間應該就係諗到港交所（00388.HK），早前因為同股不同權呢個利好令佢升返10蚊，到235蚊呢啲水平，若果大家有留意，小炒王講咗港交所咁耐，港交所都係二百幾蚊徘徊，但若果細心啲就會發現港交所係一浪高過一浪，而且每個階段都有波幅去炒，認真唔錯。
而港交所主要就睇港股成交，踏入12月下旬，每日平均成交都有900-1000億，比起以前係好多好多，以前可以靜到500-600億，所以未買貨嘅朋友，可以認真諗下淨係買呢一隻，同時做埋佢波幅，2018年回報應該會跑贏個大市。
不問價追 - 小炒王梁心欣 舊文
來源 source: http://www.winmoney.hk
