一路一帶：新居屋定價太貴？
■居屋原意是協助買不起私樓的市民上車，但定價太貴，供樓負擔不輕。資料圖片
新一年祝各位萬事如事、身體健康、長賺長有。
房委會推出3個全新居屋，分別有市區的啟德及長沙灣，兩個居屋地理位置極佳，相信會爭崩頭，希望有份抽的讀者都能如願上樓。不過筆者認為，房委會將
居屋定為市價七折這項指標過時，而且近乎不合邏輯。
新居屋有房委會作擔保，不用買按保就可以借足九成上車，部份綠表居民最盡更可以以半成首期上車，而且更不用過壓力測試，雖然是項德政，但新居屋定價過高，若以銀行壓測來計算，會出現供款超越入息限額的規定。
例如以長沙灣凱樂苑樓王630萬計算，白表申請者一成上車，25年期供款，2.15厘利率，月供達2.45萬元，以壓測四成計，家庭入息便高達6.11萬元，超過白表二人家庭申請入息限額5.7萬元（限額已由5.2萬升至5.7萬），成件事錯曬。大家可以話，申請人唔應該用一成首期上車，要畀多啲，但回到起點，居屋是協助買不起私樓的市民上車，一成首期其實合理，630萬樓王首期連雜費亦逾70萬元。
當然唔買樓王亦可以買其他單位，但啟德新樓呎價逾兩萬，仲有大把同區新盤未推，心水清的讀者都知道，呢價要破2.5萬都是時間問題。市價七折，唔通居屋呎價要貴到1.5萬至1.7萬？不過抽中嘅市民都會夾硬上車先，買咗樓再諗點供，因為大家都相信買唔到嘅風險，比買咗更加大。只要捱過三年，供唔掂咪即刻賣出去，實有人接貨（好似係）。
今次房委會推4,400個單位，以上次資助房屋申請逾10萬人，今次打個七折都有7萬幾人申請，中籤率都得6.3%，但幾乎可以肯定，喺香港「剛性需求」手上，申請人只會有增無減。入表的申請者基本上都想買樓，扣除一半公屋居民，即係市場上有大約5萬個月入2至5.7萬的家庭有買樓需求（或者投資需求），房委會就算每季推到4,400個單位，依然未能滿足需求，至於月入高過5.7萬的家庭，被迫去買私樓，今年樓價會唔會跌？大家應該心裏有數。
斯郎
fb專頁
https://fb.com/oneroadonebelt/
斯郎
~TITLE_S~一路一帶 - 斯郎 2018年2月22日 舊文
來源 source: http://hk.finance.appledaily.com
