【魚樂無窮】高手過招時代來了（唐牛）
騰訊（700）南非大股東Naspers宣佈減持股份，配售價介乎400至410元，雖說三年內不會進一步減持，但由於事出突然，加上騰訊牛仔乃散戶至愛，今日裂口低開殺牛難免。
唔少人都問究竟有平貨係咪要食糊，或者高位有貨點樣算。都係那句，騰訊最新業績依然
亮麗，以其巨無霸size來說，實在難得，所以逢低分段吸納策略不變。騰訊去年底收市價406元計，意味全年計今日隨時見紅，究竟係恐慌性沽貨定恐慌性吸納，大家心中有數。
經過2017年全年及今年1月的快樂時光，2月及3月彷彿由天堂跌落地獄，如果抱住過往的心態作戰，肯定傷亡慘重。無他，以往慢牛市況，只要肯坐定定，贏錢完全冇難度，只係贏多定贏少。但今時今日進入有波幅冇升幅時段，好彩就得個桔，唔好彩貼市炒左一巴右一巴，真係輸死冇命賠。記住由今日起，要打醒十二分精神，因為高手過招時代來了，手風欠順的話，必要減低注碼，然後吼準機會才出擊，鋪鋪都落場，真係輸part都輸死。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
