Can Bank：與俄鋁割席求自保？
■俄鋁大股東歐柏嘉。 資料圖片
擾攘多時的「通俄門」事件，因為美國財政部對俄羅斯企業進行制裁，當中包括俄鋁（486）大股東歐柏嘉旗下8間公司，而令這個「通俄門」火頭燒到去港股，俄鋁股價暴跌50%，市值亦因而蒸發一半。
美國財政部新聞稿中指
出，有關人士受美國管轄資產將會凍結，美藉人士一般被禁止與其進行交易，非美藉人士可能因故意與其促成重大交易而面臨制裁。就好以對付恐怖分子對付佢。
歐柏嘉被制裁影響有幾大？先睇股價大跌五成的俄鋁，美國去年從俄羅斯入口71萬噸鋁材，而俄鋁作為全球最大鋁材生產商，美國市場佔其出口約一成。換言之，這一成必定會受影響。
至於俄鋁資產，主要集中意大利、愛爾蘭、瑞典以尼日利亞等地，似乎不太受影響。不過，制裁包括公司與美藉或非美藉人士的交易，歐柏嘉作為俄羅斯首富，生意涉及層面廣，未來或會引起俄鋁合作方因怕咗美帝而割蓆。
俄鋁主要客戶包括有嘉能可、日本豐田以及加拿大力拓，其中嘉能可更持有俄鋁股份，這些公司未來如何處理與俄鋁關係值得留意。
散子
Can Bank - 散子 舊文
來源 source: http://hk.finance.appledaily.com
