【大茶飯】想作對沖 不如沽貨（青冰）
應對跌市，最簡單又最有效的操作，就是去減倉。更多
上周恆指低見26871點，從年頭的高位33484點計，下跌了19.8%，用外國的高位跌兩成作指數，隻熊仍然未現身，但相信技術上未轉熊市，但大部分股票都傷亡枕藉，個市係唔係確認熊市都唔太有所謂。如果有跟
開青冰的fb，應該都知道經常叫大家減倉及止蝕，每次反彈都給予溫馨提示，記住自己的錢一定要自己睇實，無論你問任何財演及專家，當佢知你個買入價後，都只會說可以守下，趁反彈減持，舜宇(2382)又好，教育股又好，騰訊(0700)都好，答案都是一樣，但真係蝕錢的是你，要放棄鴕鳥政策，勇敢面對。
正值跌市，坊間都有唔少資訊係教人對沖，為自己成手貨買保險，青冰並非完全反對此舉，但當中牽涉的操作及理念，都唔太簡單，尋常散戶是否咁易就執行到呢？買隻熊又或者買隻put，現在很容易就可以拎到個冧巴，甚至已經有反向ETF，要對沖的確唔難，但又有冇諗過，你手貨及以上的工具，關聯性(correlation)不一定好高，淺白啲講就係唔跟住行，你揸住教育股、藥股或內房，但走去買恆指熊或put，相信唔係一個理想選擇。
即使你對症下藥，但仍有其他因素影響效果，而你在事前未必理解，例如騰訊上周業績，你見佢連跌幾日，唔想忍痛沽結果買咗隻騰訊put，業績後翌日裂口低開，如果你冇食糊，除咗正股大幅反彈外，個引伸波幅都大幅回落，即使股價只係去番你買put的位置，但縮引伸亦令你有損失，咁買熊係可以避開此事，但那個打靶價你真係要謹慎去揀，隨時打咗再回落，就失去當初想對沖的意義。
應對跌市，最簡單又最有效的操作，就是去減倉，但由於涉及將虧損實現，唔係人人可以克服，所以才會揀一個較複雜的對沖行為，逃避現實。只要你唔係只係揸住一手，就已經可以實行減倉，減低風險之餘，心理壓力亦隨之降低，有助自己更客觀看清市況，捨難取易，你應該識揀吧。
Fb個人專頁http://www.fb.com/chingbing888
大茶飯 - 青冰 舊文
來源 source: http://hk.finance.yahoo.com
