金管局入市 股匯添壓
2018年08月16日
港股底子虛不受補，美元強，美股彈，港元雖然同美元掛鈎，但港元相對變咗弱勢，形成港匯受壓，金管局要喺外圍接港元拋美金，令銀行結餘減少。由於港元減少到咁上下，就會拉動利率向上，推高息口，對資產市場不利，所以港股就沽壓不止，特別係
早段港元受壓，一下子令跌幅擴大。
港股年頭由盛轉弱，皆因兩個向下螺旋帶動，一個係神經刀特朗普掀起的政治亂局；一個係美國利率向上，特別係美國經濟愈強勁，息口上調幅度愈高，對享受低息環境已久的香港，威脅就愈大。
人仔腳軟 A股急插2%
美國息口由去年起上調，但香港資金充裕，一直無加息。熱錢留港不走，主要係尋求內地投資機會。現時內地增長放緩，必然影響熱錢動向，要留意里拉喺回穩一日後再度轉弱。為咗穩定形勢，土耳其銀行監管機構BDDK宣佈，進一步削減土耳其銀行外匯互換交易額度，與外國銀行的現匯及遠期交易，只能相等於銀行資本25%，出招後里拉價反彈約8%。
里拉再度觸發市場恐慌情緒，資金流入美元，美匯指數於亞洲交易時段衝上2017年6月以來高位，一度升上96.8以上水平，英鎊兌美元則跌穿1.27，跟歐羅雙雙跌至逾一年低位。主要貨幣都頂唔順，新興市場貨幣受壓仲明顯，印度盧比創新低，印尼盾跌至逾兩年半低位，央行出手干預債市穩定匯市，同時宣佈加息1/4厘，將指標利率上調25點子至5.5厘。
喺里拉風暴吹襲下，人民幣兌美元即期跌幅擴大，跌幅超過270點子，報6.9106元兌1美元，失守6.9關口，創去年四月以來新低。離岸人民幣兌美元更跌穿6.92，貼近6.93水平。人仔腳軟，港元喺聯匯下試底，在金管局呢個星期入市前，結餘有千零億元。從之前港元流走速度，結餘可以好快再流走大部份。陸羽仁問過財金猛人，佢話O依間銀行資金池結構，同亞洲金融風暴時比穩健好多，唔係咁容易借狙擊港元大幅扯高拆息，但按照機制若然資金外流，港元追加利息就無可避免。
人仔疲弱，內地股市全線急挫，上證指數同深成指數跌幅都超過2%。A股唔掂，港匯受壓，恒指開市下插，中午前跌幅擴大，收報27323點，跌咗429點；國指收報10535點，下滑209點，喺跌市下成交增至1115億元，似乎沽壓無因為指數再創今年低位減少。
連日被質的騰訊(700) 再急挫3.6%，收報336元；小米(1810) 更插5%，收報16.3元，同半新股中國鐵塔(788) 及映客(3700) 齊齊破底，鐵塔跌逾3%，收報1.23元；映客續創新低，下挫13%，收報1.91元。之前受創的醫藥股及教育股再顯著捱沽，金斯瑞(1548) 插16%，收報14元；三生製藥(1530) 插9%，收報14.64元；中國中藥(570) 績後反覆，股價先升後回，下挫7%，收報5.36元。教育股天立(1773) 創新低，挫18%，收報1.67元；宇華(6169) 收挫15%，報3.17元；楓葉教育(1317) 插14%，收報4元，跌幅慘烈程度喺指數反映唔到。
豬肉價升推高萬洲
喺跌市中，豬肉股萬洲國際(288) 扭轉今年以來弱勢，股價逆市勁升8%，收報6.57元。刺激佢股價上升因素，係內地生豬價格受疫情影響，近三個月爆升近33%，有利內地生豬行業。萬洲國際主要市場喺中國同美國，中國佔佢生意額三成多，利潤就佔四成幾。今年以來，中美貿易糾紛令市場擔心佢受影響，股價由高位下插近四成。日前佢公佈上半年盈利5.14億美元，按年跌7.7%，同股價跌幅比算係好得多。雖然上半年業績有交代，公司董事長兼行政總裁萬隆亦坦言，如果貿易戰持續，該公司將大力調整旗下美國企業出口方向，增加對其他地區出口，如墨西哥、日本、南國等。豬肉漲價，理論上對豬肉股係正面作用，只係呢個板塊好股唔多，好似另一隻豬肉股雨潤，去年虧損近億元，昨日股價隨市跌咗4%，收報0.95元。
陸羽仁
金融High Tea 舊文
來源 source: http://hdfin.stheadline.com
