地產潮文：房屋就是利益問題 - 地產小子
房屋從來都是利益問題，林鄭是否願意處理？看來一點也不樂觀。 資料圖片
最近和友人吃自助餐，聽到鄰桌有人大談房屋政策。較年輕的A去年置業；較年長的B早年供滿三層樓和一間舖，現已上岸；踏入中年的C則看淡樓市而堅持租樓住。
「政府唔會認真解決房
屋問題！」A對政府已經失去耐性，所以寧願靠自己上車：「你睇嚇董建華當年推完八萬五，香港樓價大跌七成，之後佢就腳痛落台，林鄭月娥怎會重蹈覆轍？」
「如果香港唔係有萬億熱錢流入，加埋啲炒家用有限公司轉名嘅方式避稅，香港樓根本唔會有咁多需求！」C聽罷有如潮洲怒漢上身：「政府與其搞填海，不如收番佢哋應該畀嘅稅好過啦！」
「傻佬！香港上曬岸嗰班，又點會想啲利益受到影響呢？」B以勝利者姿態分享其炒家友人的經歷：「佢個個月都捐錢畀環保團體，為嘅係想環保團體盡量阻止政府用填海、東大嶼都會、開發郊野公園呢啲容易造地的方式，迫政府淨係用收回棕地呢啲費時失事嘅增加土地辦法，目的就係盡量減低將來嘅土地同埋房屋供應……房屋除咗係必需品，仲係奢侈品，同埋身份、安全感嘅象徵！如果將來多咗人有舒適嘅屋企，仲邊有人肯畀天價租用佢嘅投資物業？佢賺少咗，仲點會放過政府？」
房屋，從來都是利益問題，林鄭是否願意處理？一點也不樂觀。
地產小子
http://propertykids.blogspot.hk
本欄逢周四刊出
地產潮文 - 地產小子 舊文
來源 source: http://hk.finance.appledaily.com
