魚樂無窮：股市之後到樓市？ - 唐牛
新地近日推出十成按揭「幫助」上車客，會唔會有啟示？左為新地副董事總經理雷霆。 資料圖片
颱風山竹最快周末殺埋身，港股卻早已刮起十級大風，26000點大關岌岌可危，恒指兩星期已跌逾5%，絲毫未見止瀉跡象。
市場從來最怕不明朗因素，特朗普打開口牌，要
向所有入口中國貨徵收關稅，卻遲遲未見落實，陰霾不散下，大戶散戶唯有沽貨離場。幾敢肯定，只有特朗普出手，港股即可趁壞消息出籠反彈，當然，揸重貨嘅捱唔捱到呢一日，又係另一個故事了。
股市風雨飄搖，樓市又會否出事呢？
近日出席兩個飯局，不約而同談起樓市，好友們說業主實力強橫，不會劈價沽貨，上車的做好壓力測試，加息不足為懼；淡友當然維持一貫說法︰樓價早已高處不勝寒，加上回報率低，插水係遲早問題。
眾多論點中，我最buy的是信心危機。簡單而言，準買家驚青會縮沙，做業主淆底會劈價，成交價自然下調，只要淡風一吹，跌勢便會展開。夠膽講句，股市最容易觸動港人的神經，慢熊走勢再配合加息，足以掀起信心危機。近日所謂平價成交越來越多，究竟係個別事件，抑或趨勢已成，要由時間驗證。咁啱新地（016）呢個時候推出十成按揭，「幫助」上車客，會唔會係另一個啟示呢？
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.finance.appledaily.com
