金手指 - 孫柏文 2018年11月20日
金手指：林鄭下台保關稅區 - 孫柏文
香港點樣同美國講，保住獨立關稅區地位？大家不如睇嚇好好打嘅林鄭點搞。資料圖片 適中字型 較大字型
周末，最爆新聞必定係愛國陣營老將譚耀宗，呼籲我哋香港人同美帝講，香港兩制好健全，唔好將我哋獨立關稅區地位降級，制裁我哋。
當然，特首就繼續「厲害了、我的國」咁，話美帝妖言惑眾。仲要話：「相信佢哋唔會做啲損人不利己嘅嘢。」有好多人話特首咁講係因作為填鴨式教育產物，唔夠班get呢場遊戲點玩。有啲就話public choice theory顯靈，佢都係要滿足保住佢個位嘅中央中層人員意欲。
其實譚耀宗點解唔搵例如陳凱欣、屈穎妍呢啲猛將去保獨立關稅地區呢？點都好，上周美帝未做小動作前，孫柏文喺《城寨》節目都話，如果有日要轉「厲害了」軚，你會好難搵到香港人同你講說話。
作為股票sales，譚耀宗叫你攞現狀去sell「兩制好健康（2019）」真係好難sell。所以，如果譚耀宗真係要我哋sell，先執執現狀先。而執的話，最好執到美帝冇藉口，喺美帝心中有牙力嘅人都主動幫你。試諗，多年被其他傳媒話係「四大漢奸」嘅人，就係最能成功遊說美帝。冇錯！呢個就係個難位。要去到有真普選、林鄭下台換唐英年、曾俊華嗰隻？Impossible！
所以都係疊埋心水，睇好好打嘅林鄭點搞。而一路睇，一路滙定錢走。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.finance.appledaily.com
