笑到最後 - 高明 2018年11月26日
笑到最後：自住樓唔怕跌的荒謬 - 高明
如果抱住自住樓唔怕跌嘅心態上車，調整市持續會幾折磨。
資料圖片 適中字型 較大字型
樓市劈價潮持續，正如高明一早明言：跌勢如何要看明年2月失業率，如果就業情況持續強勁，港人繼續準時返工供樓，樓市問題不大；一旦就業轉差，至低限度都會出現2015年至2016年的調整浪，劈價變成常態，冇分真跌定假跌。
劈價潮出現，明年升定跌，大家都係估估嚇，然後開始出現一種聲音：自住樓買入後跌冇所謂，因為都係用嚟住。如果用呢用心態上車，調整市持續會幾折磨。
所謂有買貴冇買錯，其實是指樓價下跌只是短線調整，最終都會上升。過去十年樓價近乎長升長有，最長的調整都只不過是一年半載，再加上2018年上半年的拋物線式升幅，可能肯定，近兩年才入場買樓的業主對調整的耐性跌至歷史新低。自住樓買入後跌冇所謂，可能只是指跌一成以內冇所謂、捱半年時間冇所謂，最終是希望買入後很快回升。
其實，自住樓跌比投資樓跌更嚴重，因為投資物業價格跌，唔使對住篤眼篤鼻，情況有如買股票變蟹貨，大不了不登入股票戶口，隔一年半載有息派有租收輸少當贏，唔使望到實。
近年香港民風有變，認為買樓不僅是買來自住投資，更是買身份，應付社交場合，例如見外母時，有樓較能得到一份認同。這份認同，僅僅來自樓價長升長有，買中升的資產就是叻仔。
若樓價跌幅及調整期遠超新入場用家預期，高明可以斷言，肯定捱唔住。因為電視、報紙、上網，甚至親朋戚友講起，市價平過自己買入價，已不好受。加上過去十年樓市被認為必贏，但你竟然輸，而自住樓要住，日見夜見，跌市時唔能夠好似股票蟹貨放埋一邊。
始終買樓，都係貪佢升先買，越賣越平的話，買嚟把鬼咩？確認升勢先買，住得最舒服。
高明
http://fb.com/bigricetea
本欄逢周一刊出
笑到最後 - 高明 舊文
來源 source: http://hk.finance.appledaily.com
