智取大市 - 晉佳 2019年1月9日
智取大市：美國唔止不加息 - 晉佳
特朗普唔畀聯儲局加息，係因為加息會discount資產回報，令資金投資資產嘅誘因進一步減低。 資料圖片 適中字型 較大字型
經濟阿sir教落，GDP等如私人消費（C）＋私人投資（I）＋政府開支（G）＋淨出口（Export－Import）。中美糾紛帶來嘅經濟禍害，以至雙方撐住經濟嘅方式，都可以用呢條簡單方程式去拆解。
華為、中興（763）事件過後，中國大抵無人再敢投資美國。美國投資中國亦受阻，微軟創辦人Bill Gates上個月發出2018年結信，其中一個重點係發展核能，Bill Gates本來打算同中國合作，喺月頭被叫停了。
呢類投資禁令使中美GDP嘅I部份受創。特朗普何解唔畀聯儲局加息？原因係加息會discount資產回報，令資金投資資產嘅誘因進一步減低。如果發動貿戰、禁投資、又加息，I會急速下滑，代表少咗生意，長遠加人工都少啲，C亦跟隨下跌，少咗稅收，G亦受影響，形成惡性循環。貿戰當然同時削減淨出口，即係中美全方位消耗大家GDP。
於是中美同時減稅，中國更放水試圖阻止惡性循環，亦透過財政政策增加G。G嘅投資效率永遠都及唔上I，少私人投資，長遠經濟好難好。中美糾紛已經玩得夠大，未要脅到中國之前，美國只係暫停加息係完全唔夠，無論貨幣政策定財政政策都要加注先頂得住。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
