Hea富生活 - 郭釗 2019年1月17日
Hea富生活：香港樓市跌七成？ - 郭釗
Raidas成員黃耀光（右），以過來人身份苦勸年輕人不要被樓綁著一世。 適中字型 較大字型
平時無聊喜歡在YouTube搵嘢睇，特別係舊嘢，無意間找到Raidas成員黃耀光去年的訪問，內容竟是講樓市，背景是佛堂之類，好奇開來看看，他第一句說話就是「奉勸年輕人不要被樓綁著一世」。
話說當年滿有音樂才華的他，創作了《別人的歌》、《傾心》等大熱作品，賺到第一桶金後，17歲就買樓上車，音樂大師顧嘉煇先生賞識其才華，聘請他做助手，音樂事業可望再上層樓，但他當年因有份高薪厚職，而且正在供樓，放棄了這個機會。時至97年已擁有三層樓，但98年開始樓價大跌，經歷負資產，抑鬱成疾，在2002年董建華連任時全數放售手上物業，輕身上路從新開始，更接觸佛學令他解決情緒問題，故以過來人身份苦勸年輕人不要走自己舊路。
過去的經歷造就今天的自己，同時道出某程度上的事實，香港有多少年輕人因供樓而埋沒了才華。運動員、音樂家、藝術家，政府政策由外行制定給內行，公帑花了卻事倍工半。最重要是沒有出路，正如電影《逆流大叔》入面一句對白：「喺香港做運動員等食屎。」
2019年第一次公佈的中原指數錄得下跌，比上月平均值低2.1%，專家都分別用自己理據分析市場，有些嘩眾取寵者，更說樓價會跌七成。客觀數據指出，中美經濟未來幾年都不太理想是事實，明年是新樓供應量的高峯期，中下價樓應會調整10至20%，但2020年之後10年，供應量少得可憐，中國打台灣都未必跌7成，同樣，升7成亦難。港樓大跌難、大升也難，自住無計，投資價值低。
郭釗
http://fb.com/heaology.edu
本欄逢周四刊出
Hea富生活 - 郭釗 舊文
來源 source: http://hk.finance.appledaily.com
