貼地風管 - 鄭發 2019年2月18日
貼地風管：事前概率vs事後結果 - 鄭發
2008環球金融風暴，最恐怖之處，在於本以為很安全的金融工具中招了。 資料圖片 適中字型 較大字型
賭神片常有這幕：抽大小，奸角抽到紅心A，主角就好型咁話：「贏嘅機會係一半：一係贏、一係輸」，跟住就抽到葵扇A。其實劇情偷換了「事前」和「事後」概念。「事前」講概率，能抽到大過紅心A嘅機會唔夠2%（1/51）。「事後」只得贏或輸。
風險管理就係要評估：「如果咁黑仔中招，仲頂唔頂得住？」點為之中招？比較以下兩個例子：
（1）賭大細：骰盅未開之前，輸嘅機會稍稍高於一半。揭盅後，如果唔中就多餘講句，輸的機會係100%。由「事前」到「事後」的震盪，以概率比較大約兩倍。
（2）買投資級別債券：假設事前評估發行人破產機會只有2%，但萬一事後發行人真的破產了，輸的機會也是100%。但這次由「事前」到「事後」的震盪，以概率比較是50倍！
多數人會認為賭大細絕對高風險過買投資級別債券，但想深一層，正正因為賭大細輸嘅機會高，無人會攞成副身家賭。相反，有不少人認為買投資級別債券，無咁橋公司執笠，成副身家投進去，中招時就輸身家！
看看2008環球金融風暴的教訓。這次危機最恐怖之處，在於本以為很安全的金融工具中招了。其中最經典莫過於 Super Senior Notes（SSN），信用評級比AAA更優質，問題在於信貸質素可以急速變壞。
解釋銀行如何中招之前，先簡單介紹一下銀行資本充足率的計算方法（簡化版）。不同資產所衍生的風險高低不一，要把不同風險加起來，就要用「風險權重」進行調整。根據巴塞爾的標準，權重的幅度可低至危機出現前，SSN信貸評級是AAA，風險權重很低，銀行大概用一元資本就可以支持100元的SSN。由於佔用資本少而且利息回報不錯，銀行買了不少SSN。但次按危機爆發後，評級公司把很多SSN降到垃圾級別，而根據巴塞爾的要求，風險權重變得非常高（＞1,000%），同樣100元的SSN，風險加權資產值由之前10元變成1,000元，銀行原先用一元資本支持這SSN，現在要用100元！
換句話說，SSN由「出事前」到「出事後」的震盪超大，加上其他打擊 （例如資產減值、交易損失），結果債券價格急跌、企業違約增多，令銀行資本進一步受損，最後到了要政府打救的地步。
足版本見「貼地風管」facebook專頁
鄭發
本欄逢周一刊出
貼地風管 - 鄭發 舊文
來源 source: http://hk.finance.appledaily.com
