【魚樂無窮】假期前大成交的啟示（唐牛）
臨近歲晚，港股走勢強勁，成交更是出奇地大，昨日突破千億元，要留意港股通因假期關係已暫停，要到2月11日才復常，意味掃上的資金，完全與北水無關。咁究竟係咩人買呢？斷估唔會係你同我呢啲蛋散吧，當然，有錢唔使大曬，唔代表掃貨嘅人一定贏，但27200至28000
點呢個搶貨區，已變成好淡分水嶺，未來會係鐵底抑或蟹貨區，好快有分曉。
上周本欄推介澳博（880），昨日回氣再上，創一個月新高，可喜可賀，但同系信德（242）走勢更勁，一周累升14%，呢隻炒re-rate外，仲有埋大折讓磚頭概念，如能企穩3元，應該還有一大段路走，戰友們不妨留意。
還記得在這裡提過出手put瑞聲（2018）及美團（3690），結果當然俾人挾到應一應，前者已平倉投降，後者則仍然持有。眾所周知我不擅短炒，只係睇事件驅動交易做人，本來諗住蘋果盈警後瑞聲要繼續尋底，但結果反而加速見底，當然要走人。至於美團put我依然揸住，一來小注怡情，二來深信集團盤數唔掂，反彈過後必會倒下，除非全年業績大翻身，則屬後話。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
