智取大市 - 晉佳 2019年2月1日
智取大市：貿談的離地解說 - 晉佳
右為國務院副總理劉鶴 適中字型 較大字型
劉鶴率領大隊去美國，陣容包括人行行長易綱、國家發改委副主任寧吉喆等等，強大到只許成功不許失敗咁嘅勢，咁都失敗？就算係，都算預計之中。
分析員見到市升，當然以憧憬貿易談判有成果作為解釋，但落開場炒股嘅戰友，問心有邊個有貨而唔驚談判拉倒、然後股市插水？貿易談判談不上係正面因素，而係一個大家已作出一定防備嘅潛在負面因素。投資者主流睇法係，對貿易談判冇乜期望，2月只係跌多定跌少嘅問題。
港股一個月升、一個月跌嘅pattern，能唔能夠打破？再睇埋9日RSI升到77.7，接近超買。不過去到80超買水平，就唔排除會調整。假如持有嘅係低位累積反彈幅度唔少嘅周期股，不妨獲利，大漲小回之下普遍有低位畀你撈得返。一去冇回頭嘅股，永遠係三幾年前嘅騰訊（700）之類增長股，至於現在有乜好堅實嘅增長股好買？我都想知。
就當嚟緊人行放水因素有本事完美蓋過中美糾紛，2月過後港股繼續升，周期性股自然跟升，但喺缺乏增長股、今日唔知聽日事同時資金氾濫時代，資金嘅出路，可能係貨源勁歸邊股，當然風險亦頗高。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
