智取大市 - 晉佳 2019年3月13日
智取大市：港股有爆炒空間？ - 晉佳
中廣核新能源主業係做核電以外嘅其他能源業務，可視為爆炒股嘅冷門選擇。 互聯網圖片 適中字型 較大字型
A股爆炒股炒到癲，俾《證券日報》發文狂轟，都要有收斂，但係港股作為自由市場，或許有機會催生爆炒股。自從《證券日報》發文之後，炒風喺港股市場比之前仲激咗，或者有投資者意識到嚟香港爆炒都好襟玩。
豬肉股已經炒高一兩倍，中糧肉食（1610）、雨潤（1068），連人見人怕嘅大成系都係咁升。半新股同程藝龍（780）、微盟（2013）、華興資本（1911）亦起動，呢類股能夠放紙鳶？定係成為市場焦點之後，短線點都見光死一嚇？都唔易估。不過，爆炒股範圍只會越擴越闊，喺未來兩個月指數轉上落市機會大啲，咪又係炒股不炒市。
市況好嘅程度，係中燃氣（384）有股東大手沽貨之下，股價三扒兩撥打返上。信義光能（968）本來分拆信義能源上市，配股殺咗市場一個措手不及，消化配股消息後亦爬返上去。
燃氣股似乎不錯，有隻中廣核新能源（1811），係做核電以外嘅其他能源業務，收入以韓國燃氣燃油項目比重最高，但利錢不算高，同風電業務成為最大盈利來源。風電行業今年唔錯，中廣新核能源年度化市盈率5倍左右，加上經營槓桿不低，盈利有增長嘅話，估值更平，係冷門選擇。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
