中環在線 - 李華華 2019年4月4日
中環在線：四叔缺席李兆基大樓命名儀式 - 李華華
華華收到一張相，見到李家傑、李家誠同徐子淇都有出席命名典禮。 適中字型 較大字型
「四叔」李兆基上月20日宣佈準備退休，至今仍然係真人不露相，不過華華早排收到風，噚日下晝恒生大學舉行「李兆基綜合大樓命名典禮」，正常主角應該要蒲頭，點知最後都係得兩個囝囝李家傑同李家誠，好失望囉。
四叔今年初敲定捐1億畀恒大，典禮噚日先正式舉行。華華喺現場睇過，由於典禮有李家傑同李家誠出席，兼且有李家誠嘅索爆老婆徐子淇，一身白色SUIT，同現場保安一樣咁嚴密。工作人員不停話今次係私人活動，謝絕記者上樓採訪，就算連學生都唔能夠入去。
不過華華收到一張入面嘅相，見到命名典禮除咗恒地（012）嘅人，仲有恒生大學校董會主席、恒生銀行（011）行政總裁鄭慧敏（Louisa）。不過幾個人都冇回答記者問題就急忙驅車離開。
今次以四叔命名的大樓早在2013年啟用，大樓高三層，提供泳池、室內運動場、餐廳等，並喺屋頂設有機蔬菜種植場。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
