智取大市 - 晉佳 2019年5月10日
馬上成為壹會員
會員註冊/登入
【智取大市】中國逆轉勝因素 - 晉佳
中國有本錢抵禦美國攻擊，股市消化美國出招消息，相信表現會較舊年硬淨。 資料圖片 適中字型 較大字型
上一期講到，要特朗普退縮，其一重大因素就先要睇到美股肯唔肯大跌。舊年嘅經驗係，好似舊年10月至12月期間，美股跌幅加快、中港股跌勢相對減慢，令美國再博鎚缺乏勝算，於是接受同中國埋枱傾。好可惜，𠵱家新一波剛剛開始，未有耐見得到美股跌得快過中港股嘅情況。
2,000億美金中國進口貨大機會加關稅、再加上剩餘中國進口貨相對小機會收盡25%關稅呢個組合，估計係特朗普幕僚計算之下，能令中港股大傷而美股小傷嘅一招，似乎亦睇死中國諗唔到有乜大招能夠報復。
相對舊年，中國今年好可能繼續處於被動狀況，但資本市場形勢比舊年好得多。
原因係，舊年美國出招適逢中國清洗太平地嘅逆周期，加強遊戲、醫藥、教育行業監管，加上打壓海航同華融系，於是中港股衰多幾錢重。喺舊年10月人行行長易綱講到已經穩住槓桿，當時距離見底已相當接近，而去到今日，相信中國仍處於向各方利益集團（按次序由政治勢力、人民、再到企業）派餅嘅周期，於是中國更有本錢抵禦美國攻擊，股市消化美國出招消息，相信表現會較舊年硬淨。加上估值不高，暫時睇中港股仍能喺波瀾中保持牛市。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
