異動空間 - 魏力 2019年5月10日
馬上成為壹會員
會員註冊/登入
【異動空間】貿戰死線點操作 - 魏力
政治市開大開細無得估，投資者只能控制好自己倉位。 資料圖片 適中字型 較大字型
中美新一輪貿易戰即將開火，本周恒指已挫半成，究竟反映了多少負面因素？實在難以量化，只能等本輪會談結果後，再按市場反應去見步行步。最好結果，當然是忽然握手言和，關稅維持10%，但機會確實頗低，真係咁個市當然會勁升。比較大的可能性有兩個：
一、先講較理想情況。關稅如期由10%升至25%，會談亦無成果，但雙方繼續傾落去。這情況估計個市會反彈。
二、關稅一樣由10%升至25%，會談亦無成果，但雙方暫時唔再傾落去，另外3,250億美元關稅亦撲鎚徵收，呢個情況的話，個市再跌一浸，毫無懸念。
政治市開大開細無得估，只能控制好自己倉位，不把今年所賺的輸番出去。無貨的話，成功避過一劫，就無必要忽然貪婪起來，嘗試走去撈底，隨時抄在半山腰，有排捱。
倉位上，筆者個人做法分為三部曲：一、先將貿戰受累股清曬，例如手機、5G、機械、汽車股等，真係雨過天晴先再追番。二、將部份套現的資金分批加注內需股，特別是民生消費類，與貿戰無大關係，抗跌力較高。三、死守幾隻大藍籌，假如大市反彈也不會被放甩。賭場日日開，要追回「五窮月」失地，也不急在一時。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.finance.appledaily.com
