異動空間 - 魏力 2019年6月10日

異動空間 - 魏力 2019年6月10日


【異動空間】否極泰來之關鍵 - 魏力


人行行長易綱話「有巨大空間減息降準」，令人仔應聲向下，如日內插穿7算引發恐慌，應是否極泰來之時。　資料圖片 適中字型 較大字型

「唔係打緊貿易戰咩？點解美股日日係咁升？」貿戰的確還在打，但上周美聯儲主席鮑威爾的演說，表明了一件事：印鈔機將再次啟動，全球將進入新一輪貨幣寬鬆期。股市升定跌睇兩因素：資金、信心。印錢必有利股市，但中港股市要見底回升，尚欠「貿戰傾得成」的信心。

鮑老演說有兩大訊息：一、美息可減到零（約莫9發子彈）；二、非常規政策工具（買債）會變成新常態，即係話有需要時，銀紙可以係咁印。回想去年12月，鮑老仍預期今年加兩次息、保持縮表；今年初轉向「對加息保持耐性、9月結束縮表」，再到上周徹底轉鴿，這代表甚麼？就是美國經濟急轉直下。

「點解經濟差股市反而升？」剛才講過，股市炒資金同信心，家陣美聯儲話你知，為救經濟，銀紙要幾多有幾多；另一邊廂，10年期國債得番2厘息，仲低過擺銀行，即係代表：一、好快會減息（隨時年底前減兩、三次）；二、買債無肉食，焗人買股票。至於貿戰，從美股反應可見，投資者睇死特朗普得把口，最後仍會達成協議，方便明年連任。

此外，美國再行量寬等於向阿爺鬆章，畀機會人行放水救市，易綱順勢就話「有巨大空間減息降準」，令人仔應聲向下，如日內插穿7算引發恐慌，應是否極泰來之時。

魏力
http://fb.com/2012jason
本欄逢周一、五刊出



異動空間 - 魏力 舊文

來源 source: http://hk.finance.appledaily.com