異動空間 - 魏力 2019年10月21日
【異動空間】潛力爆燈一單刁 - 魏力
閱文與迪士尼合作，如在旺市，早就炒爆了！ 互聯網圖片 適中字型 較大字型
大陸上季GDP創26年新低，不過拆開睇細數，佔經濟比重已達60%的消費，增長仍有9%，絕對唔失禮，也反映經濟轉型已見一定成效，未來食粥食飯都係睇佢。
另一邊廂，工業佔比趨降，無論貿戰能否解決，製造業都會外流，影響出口賺外滙。虛擬經濟大勢所趨，炒中港股市，未來重心板塊要揀消費、服務業、輕資產股票；重資產舊經濟股，本大買少少無所謂，本細要博的話，基本上可以放棄。
恒指上周五日線「穿頭破腳」，不少戰友又驚起來，但從小時圖分析，一直穩守20小時線之上，正常整固而已，只要貿談無反枱，美聯儲繼續印錢減息，後市仍可再衝。隔晚美股急插，但夜期、黑期唔多肯跌，劉鶴周六出席世界VR產業大會時亦「放鴿」，指貿談在多個領域取得實質進展，不難為市場帶來新憧憬。
選股方面，中美兩大「IP王」（閱文（772）及迪士尼）合作，如在旺市早就炒爆了！大方向上，迪士尼提供人物（如星戰），再由大陸作家重新編寫「具中國特色」的新故事，放在閱文平台，假如大受歡迎，閱文勢成迪士尼攻入大陸的「盲公竹」，呢套合作模式的錢途無限，股價自然雙贏。
魏力
http://fb.com/2012jason
本欄逢周一、五刊出
異動空間 - 魏力 舊文
來源 source: http://hk.entertainment.appledaily.com
