智取大市 - 晉佳 2019年12月30日
【智取大市】美大選前港股仍弱 - 晉佳
明年美國總統大選年，特朗普絞盡腦汁延長美股升市以博取連任，尚餘大半年，要完成維穩美股任務不難。資料圖片 適中字型 較大字型
較強勢嘅美股同德國股市，金融海嘯至今過咗10年有多，一直大漲小回，當港股、A股出現股災之際，美股同德股充其量只見正常調整。
當美股上市嘅consumer staple，例如P&G、麥當勞，預測PE明顯高於20倍，股息率亦明顯低過3厘，喺歷史上估值明顯高企，呢個十年大升浪，總有一日因為估值過高呈現超買之下見頂，臨終前資金會唔會流去超低殘嘅落後中港股走一轉？明年美國總統大選年，特朗普絞盡腦汁延長美股升市以博取連任，尚餘大半年，要完成維穩美股任務不難，資金未似喺呢個時候離棄美股，中港追落後似乎仍是不日上映項目。
12月中開始，港股呈反彈市，中美即將簽署首階段協議成為強而有力理由，周期股亦跑贏增長股，但升市成交未算活躍，反映港股形勢未發生突破性轉變。以券商股為例，中信証券（6030）併購消息刺激同業股份造好，但消息一出，個個顧住好消息出貨，反映投資者對周期股信心有限。中港周期股長線追落後未係時候，而舊年急升嘅增長股，論估值唔少再升空間有限，估計稍後強勢股範圍收得更窄。
之前推介美團（3690）急升後近兩個月橫行，短期暫見跑輸周期股，中長線未見頂。至於申洲（2313）半年來白做冇升冇跌，100元築好底，近日重上110元樓上，似進入新升浪，稍後再update策略。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com
