美帝股市亦不斷創新高，港股喺國家冇水，睇落似到支爆臨界點嘅情況下，一路冇運行。直至數周前，偉大中央決定，債
毒纏身嘅大陸經濟體，又打多啲債毒吊癮下，港股開始有個別擁某特質嘅股票爆升。
因呢個係水湧市，隻股要爆上，最重要特質係要貨源好乾。其中一類咁嘅股票，當然就係啲啱啱上市嘅股票啦。大股東被鎖死，又唔可以發新股，仲唔乾？3周前，孫柏文叫大家一注位置，炒到上周叫走嘅寶龍商業（9909），都係呢種新股冇貨炒爆格。亦所以點解聽我話就執十幾percent。
有隻股呢幾日好多人問我，就係俄鋁（486）。佢呢隻算係全港最乾之股票，美帝威脅制裁嗰轉，已令唔少股民被股票行、銀行「強制離場」。今時今日仲揸住嘅人，全部賺錢冇蟹貨。以我為例，到今日都只係沽咗六分一嘅貨。
仲因今浪係莫斯科嗰邊帶動，令我哋頻頻裂口高開，我打探莫斯科嗰邊啲消息，佢哋都唔知點解。唯一就係真價值開始反映，特別係俄鋁手持嘅百分之27俄鎳嘅股份，嗰手貨值千一億港元。俄鋁自己值740億，手持現金70億，債則702億。唔通俄鋁搵到買家，將會世紀沽出俄鎳嘅股份？點都好，冇蟹，貨乾，將會升到你唔信。
孫柏文
獨立股評人
http://fb.com/shuen
本欄逢周二刊出
金手指 - 孫柏文 舊文
來源 source: http://hk.entertainment.appledaily.com
