資料圖片
一個月前，我並不太悲觀，但觀察過這幾星期的發展，我改變了主意。先甜後苦，先與讀者分享兩篇比較樂觀的
分析，都是出於認識的行家。
雷鼎鳴在《疫情對經濟影響不會太大》指出，現代檢疫制度及先進醫療之下，任何疫症等災難過後，受打擊的經濟都會很快復元。相比沙士，雷認為武漢肺炎的傳染性較強但同時毒性較低，因此兩者對經濟的殺傷力及其持久程度大致相約。另外，較少香港人認識的哥倫比亞大學魏尚進教授，借鑑沙士的經歷後估算，今次疫情只會降低中國2020年GDP的增長率約0.1%。
今天我的看法是，假如今次疫情真的與沙士時相若，宏觀看真的是不用太擔心。問題是，今次疫情真的與沙士相若嗎？我們要問，沙士時，為甚麼內地沒有大規模封城？為甚麼國際社會沒有大規模向中國實施禁航？為甚麼中證監沒有連夜通知券商，A股復市後禁止沽空？
Babe見我心事重重：「你好擔心大陸經濟？」我搖搖頭：「一路發生緊嘅事，冇咩好擔心。有不確定因素，先會令人擔心。」女友再問：「但你個樣好諗喎。」
我答：「我擔心你。」她有點不好意思：「儍佬，你都係講番啲有公共性嘅嘢啦……」我惟有解釋：「今次係屋漏偏逢連夜雨。沙士嗰年，大陸啱啱做咗世界工廠。現時武漢肺炎，大陸變咗世界搬廠，搬得嘅已經搬咗或者搬緊，剩底落嚟嘅好多都靠內需。但現時咁封城法，內需變曬內衰。做出口嘅，唔係開唔到工，就係冇人敢落單。想話賣股票套現，個市又跌到停埋。我真係唔知上面做生意嘅，呢幾個月啲錢可以點轉。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.entertainment.appledaily.com
