士佳說 - 張士佳 2020年7月28日
【#士佳說 】張士佳：股價較平，市卻冇勢
【#士佳說 】張士佳：股價較平，市卻冇勢
睇淡個市又減淡倉，睇好些股又減好倉，乜野葫蘆賣乜藥，看似唔知做乜，實情就知道做乜。
炒得耐既人就知道，行情不是日日有，市場成交正由2500億跌下來，到昨日的1257億，剛好減半，市場上的投資者手上不是「蟹了的強股」，正係長遠不錯，近日不堪，很多人唔知CUT好還是坐好，相比先前「強」股價格無咁貴，但卻無了個勢，無論個市或投資者都必然會進入混沌期，我唔想自己咁被動，所以上周尾開始減好減淡，多留現金，專打遊擊。
事實上，遊擊效果很不錯，昨天開市，兩隻盈喜股柏能#1263、建業新生活#9983，一隻快速納入港股通思摩爾#6969，上周已持有，昨日正好收成。如果不是打遊擊，就未必能在#1263沾250天線1.7元時獲利，跟傳出加強食肆禁食，自然炒港視#1137，CEC#759，日清#1475即日食半，剩半坐多一天，快靚正，如果死抱強股，未必有這效果。
現在大市逢日間時段彈唔起，昨日高開又回落，逢晚間卻因美股反彈，跌唔落，所以過夜翌日回來食糊，係唔錯的選擇。
市唔多靚，個股卻好消息較多，騰訊在市後對搜狗(SOGO.US)發出初步非約束性收購要約，搜狗昨晚美股時段大升。其實騰訊除了投資不少在港上市的公司外，很多中概股及美股都有份參與投資，如京東、拼多多、蔚來、甚至Tesla，很多都是會生金蛋的雞，對騰訊的業務亦有協同效應。當然，呢啲都係長遠嘢，唔係用嚟炒。
要炒不如炒民生內需股，香港這邊人人自危，內地卻方興未艾，啤酒牛奶廁紙電器先前強勢，如回落見當頭起時，博博，蝕極有個譜。
近日博乜？金股又已有，銀股又已有，？股又未有，arithmetic sequence，等差數列，好易估啫。
士佳說 - 張士佳 舊文
來源 source: http://skycheung.weebly.com
