士佳說 - 張士佳 2020年7月9日
【#士佳說 】張士佳：賭局中
【#士佳說 】張士佳：賭局中
昨日大膽話比大家聽轉炒衍生，時機中曬，好幾隻經常排在口邊的焦點大股，一開始跌唔落就升，仲升到離曬譜，可能係泡沫型成的序幕。
這兩天我叫大家邊升邊減正股，減來買衍生，這樣大家可續參與market，但又不致愈升愈加，因很多朋友方向沒大錯，通常係倒轉金字塔式注碼出事，愈升愈有信心，人家大行又upgrade目標價，信以為真，結果一回，就輸曬，我既理論係穩健的投資者可抽出現金，用槓桿續買入牛証，致於像我睇得很好很好的可賭兩手，加多些少衍生，但不會愈升愈加錢。
怎樣做，有兩點要注意
第一， 幾隻焦點股不升（不要估，ATMEX一定有份，我外加隻國壽），講咩鬼泡沫，幾隻大股衍生已夠癲，不用標奇立異去搵細股求波幅。
第二，是利用牛証的壞處，若然睇錯，不用擔心唔識止蝕，又唔怕過夜風險，因為它有最大的壞處是無得守，但當睇錯市，為乜要守呢？
不過這一招，平時反覆中不管用，只係十年唔逢一潤，瘋牛出沒時才會啟用。
至於揀邊隻，其實都係得果三四隻，買曬佢喇，但如果係要揀，我前日只提了一隻爸爸，咁果一刻就係博炒落後，因當時大家集中在騰訊#700，但我覺得孫正義舉動係一個觸發點。
佢初時未行，我都以為自己睇錯，但其後漸入佳境，尋晚一句傳螞蟻上市，就更加係火上加油，手上option已經獲厚利了，其實炒爸爸比較蝕底，因要兼顧港美兩個市，要兩邊投資者都有興趣，但美市勝在有短期期權。我講過會賭短時間賺一把，其中賭的一樣就是爸爸短期OPTION，昨晚7月17日到期（得幾日時間）的OPTION 升了8倍，為此次刀仔鋸大樹展開了序幕。
未上車的朋友，唯有等今天陽燭升破昨天頂，我甚少用賭來形容投資行為，穩健的投資者放膽少少就可以，反正多了現金在手，而好賭的朋友更可以放手一博，反正總投資已縮細，不怕妄為，博佢落唔番25300。
個股不用太挑剔，大市下行的抗跌股，我沒有點買，我無大買物管，幾隻醫療器材，我只集中在微創，唯一買了保險的是提出的現買去買實金，萬一睇錯，都有大舊金陪葬。
士佳說 - 張士佳 舊文
來源 source: http://skycheung.weebly.com
