士佳說 - 張士佳 2020年8月12日
【#士佳說 】張士佳：關鍵
【#士佳說 】張士佳：關鍵
現在市況訊息萬變，如果唔係叫大家走靚股，仲堅持沽大市，繼續揸新經濟靚股，呢兩日已被抬出場，教育跌、SAAS跌、ATMEX跌多升少，電動車跌，物管唔行，半導體跌，跟住大市升，舊經濟股內地餐飲升，體育升，哈，問你死未。
好在上星期有走曬呢D 所謂靚股，今週揸番D內循環像醬料火鍋，4S，咁就無咁傷，再加埋兩日升十倍的壹傳媒#282，炒即市無十倍，但有三倍，就直情係爽，期指被突襲也無有怕。
期指呢兩日硬淨到暈，懶理美股回調，可能因為特朗普稱中國未能履行首階段貿易協議的承諾，但相信明年的購買量將會增加，市況憂慮稍為降溫。我252XX沽，落到242XX平1/3，中間即市炒的唔講，剩低果2/3得個桔，預今日都要捱，如果今日收高於25030，我會平淡倉，當入少左，賺果1/3就算，盡量唔比佢由賺到蝕。
期指利潤水瓜打狗，個股就換碼TIMING PERFECT，#282直情中JACKPOT,齊炒即市到1.75跟住1:27分就同學員分享話唔炒了，很比俾面，隻蘋果又跌到$1，大炒兩日，收工大吉，做番D 正常股，一些先前靚股，我等枝靚陽燭會入番，好像收購完即配股的教育股，及分拆物管上市的大灣區內房，等極都未送貨的電視百貨等等等等，高位走完，股價跌咗落嚟好多對象。
現在俄羅斯疫苗講到沸沸揚揚，侵侵又同Moderna眉來眼去，中國d藥又係亞聯猶最後測試，但個市又唔係太大反應，今日如果開市後唔跌，都係買勁遠價的call當保險，然後再昅實娛樂衰旅遊航空，昅下啫，唔郁無信號，咪睇住先，唔買唔駛錢既，始終等左疫苗好耐，希望醜嘅唔靈好嘅靈，就算沽左期指，都望收穿25030，情願賺少啲，最多反手揸期補返啲利潤，也求一切回復正常。
最後騰訊今日收市後公布中期業績，團隊已作了預期，頗為正面，如收高於25030，700不弱於大市，或會衍生一博，業績待公布後一次過為大家拆解。
嘩！寫到好似好睇好噉，補返一句，現在係關鍵位，可升可跌，老美既 財政計畫有可能唔胎死腹中，所亦都解釋咗尋晚點解美琪咁弱，如果食唔到疫苗個勢向上，咁大回吐亦都十分正常，都係唔相關老美嘅內循環股最穩陣。
士佳說 - 張士佳 舊文
來源 source: http://skycheung.weebly.com
