【湯文亮專欄】中標價並不是市價
【湯文亮專欄】中標價並不是市價
資料圖
文|湯文亮
紀惠集團副主席及行政總裁
星期一有老友到公司賀我買到樓下一層商業樓，不但低於市價10幾個巴仙，而且還有協同效應，應該賀下佢。我話冇問題，不過，我不是以低於市價，反而是高於市價買到那層樓。
老友話唔明白，明明有很多
測量師表示我所買入的樓價是低於市價，唔通他們有錯？他們當然冇錯，不過，測量師所講的市價其實是估價，我雖然很開心，但仍然不能夠自欺欺人，而事實上我所買入的樓價是高於市價，基本上沒有人會接我的出價，既然冇人接，我的出價就變成有價無市，又怎可以說是市價？第二標還可以說是市價，起碼還有我會接受。
老友不大同意，我話有一個實例，就是在7月初時，政府招標一幅沙田火炭工業用地，中標價是56億，而第二標只是36億，中標比第二標多了20億元，不用我解釋大家都明白，中標價不可能是市價，由於政府公報第二標，除非已完成交易，否則中標者有可能會撻訂，所以，中標價並不是市價，更加唔能夠恭喜我以低於市價買入那層寫字樓，不過，我亦很開心，千金難買雙連地。
老友問如果公開拍賣，就算拍到都是高於市價，老友講得冇錯，不過又不能一本通書睇到老，招標與公開是有不同，招標的第一、第二標可能相距甚遠，以沙田火炭地為例，第一標高過第二標超過35%，但如果拍賣，兩者相差不足1個巴仙，所以，用拍賣價做市價亦可以，是不用太執著。
老友話問多句，現在是否是招標賣樓好時間，我認為不是，因為在疫情，中美爭拗影響下，買樓的人出價比較審慎，尤其是落標買樓，因為落標後就失去主動權，最進取的買家出價都會低估價最少10幾個巴仙，業主睇到落標價是會很傷心，所以，如果一定要賣樓，不如在私人市場放盤，現在雖然樓市停滯不前，但二手樓放盤量不多，如果搵到一個願意拼博的物業代理，或者可以賣到好價。
本文為作者獨家供稿。
本文為作者觀點，不代表本媒體立場
責編：Emma
湯文亮專欄 舊文
來源 source: http://www.orangenews.hk
