士佳說 - 張士佳 2020年8月26日
【#士佳說 】張士佳：內循環又循環，重複又重複
【#士佳說 】張士佳：內循環又循環，重複又重複
中美局勢有緩和跡象，中美貿易代表通電話，指在履行協議方面有進展，港股昨日高開。不過前日強勢的科技股開市後回落，昨日「士佳説」讚下阿裡巴巴做得好，市場都畀面。
ATMXE只有A是陽的，其餘都回落，阿里BABA在美股時段再升，京東JD一樣升得好，電商續受市場青睞。呀！電商好生意，拼多多PDD亦會急起直追，方法無他，益買家刺激落單，支付及物流，又變相得益了。
ATM的M，估到佢會出陰燭，所以前日食牛，但就估唔到未來兩三日嘅走勢，有很多朋友見到佢PE噉樣都覺得貴，唔敢買。但PE，其實唔容易用喺呢間公司 ，上市初期，位未定死，王興主意奇多，過幾年可能根本就係呢間公司，點計PE。如果騰訊當日繼續只係做QQ，邊有今日。如果當日用PE來衡量賣緊書嘅亞馬遜（唔好話幾百倍，佢PE無限大），點會上車。
澳門續有通關的消息，今天起珠海與澳門陸路口岸恢復粵澳兩地牌車通行，賭股昨日已先行一步。既然通關解閉，下月的賭收的成績表將會是大家重點關注的，我倉買有些燊哥來等，等回再買些。另外，前晚傳出美國政府可能加速批准新冠病毒疫苗，市場憧憬全面復市，美國航空股前晚大升，令本港航空股亦受支持，加上本地亦有意推行旅遊氣泡的計劃，恢復跟部分國家的出入境，國泰#293昨日在兩個利好消息下急升，這些先前都預料得到。
周黑鴨#1458人家話業績差，又唔係新經濟，冇人吼，我地就咁膽係度寫，剩昨日都升成10個，有曬交代，坐還是食，適隨看官尊便了。跑出康師傅#322，唔可以睇小呢次內循環嘅誠意，我先前提過既電視機（唔係香港買餸嗰隻，果隻剩1/4睇業績）蠢蠢欲動，可惜昨日長上影，等位吼啦。
還有，百勝中國據報本周香港闖關上市，不過港交所#388未有受刺激而大升，更是陰燭下跌。其實這些中概股回歸的影響力究竟有幾大，團隊亦正準備相關資料作影片之用，稍後為大家詳盡解釋。
最後，不少朋友都問到會否抽新股農夫山泉，其實首日已超額280倍，大手去抽冇所謂，不會中幾多，反而待首日開市後加入戰團，圖利更多。
士佳說 - 張士佳 舊文
來源 source: http://skycheung.weebly.com
