士佳說 - 張士佳 2020年9月4日
【#士佳說 】張士佳：預測美科技股崩圍，全中了
【#士佳說 】張士佳：預測美科技股崩圍，全中了
除咗一啲一年365日都睇淡嘅人之外，我諗我們係唯一預告咗美國科技股將會大跌的媒體了，我除咗沽納指，做得最多嘅係AAPL蘋果put，我們預計會大跌嘅蘋果，尋日跌到117，跌超10%，我125再食三分一，117食曬，夠膽放117我都佩服自己嘅膽量，大哥大姊，蘋果市值係兩兆美元，兩兆美元係幾多個零我諗好多人都唔識寫，佢跌十巴仙，你諗下係幾多!尋日我都同學生講，要止蝕嘅就要守規矩止蝕，你見到不同嘅科技股，都在無原因之下下跌，連美團推出千城計畫，你好消息冇喐不得止仲要跌，應該係有外圍春江鴨知道美國科技股下跌了。
我地點估到美國科技股下跌?前兩日已經提醒需提防當前美股估值過高，可能出現回調拖累港股的走勢。美股標指和納指不斷再創新高，這完全就是資金和散戶推動的牛市。蘋果同Tesla就是一個很好的例子，急升急回，近期標普500指數屢刷新高，而此時CBOE波動率指數(即恐慌指數VIX)卻一直在飆升。
至此，雖然標普500指數自8月17日以來上漲4%，但同期恐慌指數VIX卻大漲20%。VIX恐慌指數已與股票指數同步上漲，從而增強了應該進行較大市場調整的信號，再加上我昨日對蘋果嘅分析，市場人士應亮起警號。我自己沽咗納指同萍果所以就唔係咁驚，港股我只係做修葺花園，反正我唔係一味科技股，有其他內循環，應該頂得住，結果昨晚週四美股大幅下跌，納指一度暴跌5.4%，創下自6月以來的最大跌幅，非常恐怖，我應該唔止係對冲，直情有賺頭。
港股方面，首先梗係睇ATMXE，我前兩日走了最重注的小米#1810，現在回想都冧滋滋（有預早在此提大家要走架），TM唔算重注，唔傷，港交所尋日一開市提學生走，走得靚；得返重注的阿里巴巴#9988，BABA在美市跌5巴仙，跌就跌嘅嘞，但螞蟻金服在後面，我未驚過。反而暫時最傷saas，尋日仲沖咗去入中國有贊#8083，好在臨收市平晒，手上仲有微盟#2013，都係未驚過，跌啦跌啦，佢又唔係純科技股，佢係科技股加內循環 ，走左#1810同#388，大把子彈守。
雖然香港係提款機，但今時唔同往日 ，阿爺昅得好實，冇以前咁亂來，我尋日提咗大家每日高位都在251xx，就知道現在幾咁有秩序，加上在岸、離岸人民幣對美元匯率均升穿6.83關口，創下一年多以來新高， 在人民幣走強的概念下， 有幾個內需板塊在科技股衝擊之後，不妨留意。
北京9月3日起恢復國際航班直航， 北京國際商業客運航班亦將穩步有序恢復直航。受消息影響，航空股全線上揚，國航#753；東方航空#670，南航#1055等都有3-5%升幅. 而我持有的國泰航空#293再升2.11%，報6.3港元。在國內疫情不再次大規模爆發的假設下，港股航空板塊估值對國際疫情影響已較充分反映，而且再向下空間幾近於無， 值得低吸並寄望能早日登上航空旅遊。
人民幣持續升值加上紙價上漲，玖龍紙業#2689漲超4.75% ; 紙板漲價風潮逐步蔓延，寧波大批紙板廠加入漲價陣營。9月份的紙板價格及需求已在寧波地區形成規模。
受惠於金價上升級需求，周大福#1929約72％銷售及90％營業利潤來自中國大陸內地業務反彈，相信周大福將較其他香港同業更能受惠於內地市場復甦，有大行上調周大福2021－23年度盈利預測10－12％，昨天股價出了破頂訊號， 只要中期金價上升， 需求便會伴隨飾金零售業.
內房股終於醞釀上升趨勢; 8月銷售金額同比增長29.2%，30大中城市商品房日均銷售面積累計同比升幅擴大，同比爲14.44％，高於上月的12.52％。房企銷售業績迎來新一輪增長，這是房企單月業績自4月轉正後進一步回升，8月增幅較7月擴大5個百分點。佳兆業集團#1638升逾4%領漲內房股，中國金茂#817升3.54%，碧桂園#2007升3.39%， 筆者喜愛的合景泰富#1813，合生創展#754一直持有， 另一隻地產中介股易居企業#2048， 前兩日都偷偷追落後。我連續兩日都有即使炒#6123昨日再升15.94%，兩日升超過四倍。
我都同人講如果無炒圓通#6123，亦都唔好恨，風高浪急少啲功夫都死，但#2048都係阿里有入股的，臨淵羡魚，不如易居slow cook。
賭股方面，可謂全日撐起大市的藍籌股，憧憬著黃金週開關， 旅遊人士加強在澳門消費，銀河娛樂#27升2.7%，金沙中國#1928有限公司升2.08% ，摩根士丹利指隨著內地放寬個人遊簽注，今年澳門今年賭收料跌75%至739.47億，其實已是不錯的數字，因為疫情下，現時賭收首八個月363.94億元，按年跌81.6%。可是計算一下，接下來四個月時間平均每個月需要90億以上才夠數，不過8月賭收只是13.3億，即係話接下來9月應已有相當不錯的增幅才能達標，我較中性而已。
最後，講句美股，Tesla (TSLA.US)的股票正承受壓力，因為公司將拋售高達50億美元的股票。加上Tesla最大的外部股東Baillie Gifford對公司的持股比例下降，公司股東套現， 引發Tesla下跌導火線。但筆者偏向留意Tesla在大調整後的收集機會，還有受疫情打擊的一些旅行及消費股逆市有得走高，嘉年華郵輪(CCL.US)升超5%，Royal Carribean (RCL.US) 升2.68%， 為夢想旅程開始憧憬， 最誇張連梅西百貨(M.US)也升超7%，所以有危亦有機。雖然美股大調整，但我暫時對美股中期後市並不太淡， 始終市場熱錢太多。而如今港股表現弱勢的情況下，之前不太跟美股上升， 觀察昨晚夜期最低做過24555， 守住支持位， 尾市還有反彈， 已算是比較温和， 跟跌反應不太誇張， 還看今天開市，如能捱過， 九月仲應會守得雲開。
士佳說 - 張士佳 舊文
來源 source: http://skycheung.weebly.com
