【智取大市】大選前得分策略（晉佳）
晉佳估計，特朗普要靠經濟政策爭選票，美國舊經濟股慢升，比博蘋果反彈更易取分。
上周美股大跌市預咗遲早會嚟。蘋果3日高位跌最多近兩成，相比2018年2月、10月同埋今年2月，今次嘅下跌同低位反彈速度遠遠誇張得多。周五蘋果嗰支超長錘頭，未能夠確認利好，波幅
大，又快上快落到咁，大家應該以小時圖去觀察股價走勢，日線圖意義不大。
美股高波幅持續反而不利破頂，因為每次強力反彈至較接近上周高位，例如蘋果上返130美金左右，投資者都可能視為稍瞬即逝嘅沽貨時機，都會引嚟下一輪沽壓。倘若繼續保持高波幅，股價快速破頂嘅難度比快速破底高得多，要博反彈嘅話，都要選擇一個贏面較大嘅價錢先進場，明顯破周五低位先考慮。就當蘋果由高位跌三成，都只係去返季度業績前高位96美金水平，以3日可以最多跌兩成嘅波幅計，一場大震盪，或作為跌浪頭一波，由高位跌三成其實唔過份。
聯儲局絕對唔會容許市場出現3月時嘅危機，大家預咗佢隨時增加M2供應，呢種預期之下，跌勢難以好似3月時跌得咁深。螞蟻集團選擇稍後招股，照計唔會死錯人，照計10月係風平浪靜嘅時間，至少到時市場仍對新經濟股有信心。暫時估計，先跌後回穩，係大選前嘅主調，特朗普要靠經濟政策爭選票，美國舊經濟股慢升其實更坐得過，比博蘋果反彈，更易取分。
晉佳
-----------------------------
【全球樓行】 Dream House零距離
屬於香港人的移民攻略
-----------------------------
上車必讀天書 「九成按」入市懶人包
點擊即睇《按揭必讀手冊》電子書
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS / Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！
智取大市 - 晉佳 舊文
來源 source: http://hk.news.appledaily.com
