士佳說 - 張士佳 2020年10月27日
【#士佳說 】張士佳：點坐釣魚船？
【#士佳說 】張士佳：點坐釣魚船？
上星期四寫iMONEY，用「蜜月尾聲」作題，不言而喻，大家應猜到我對大市的看法，手上有期指及股票好倉，上星期五股票以食為主，冇開新倉，而期指在24944左右食一半，這六百點有做的學生應食得幾應。
口痕友又會話我老作，見美期曾跌700，就揾個Day high出來話沽左，其實咁講既人都無腦，在下學生咁多，無講過既在這裡話自己有講，噓聲滿滿啦，日日俾人鬧啦。至於點解話我升得勁果d都買到，我們系統就係咁，唔係就唔會市道咁差，小弟開班其門如市，多謝為我免費宣傳。
雖然我走了半期指好倉，美期亦曾大跌，我又唔覺港股散曬，跌d兼反覆唔出奇，但暫時還有機會反覆向上，但向上是開新好倉，還是食糊，我就揀後者，底是尖，頂是圓，我情願邊升邊食糊，如果唔係又點叫打遊擊。
今個禮拜又大選，又螞蟻#6688，又匯豐#5業績，配合曬反覆的特性，所以我會吼高走股，等股跌番先再買。雖然今個禮拜五中全會展開，有唔同既炒作主題，但尋日茅台公布頭三季業績跌得好急，亦影響內地投資氣氛，A股加美股當時影響港股，但獅王業績，關注點在派息及裁員，可能中和一點跌勢，我無揸匯豐，但對舊經濟股都會打打氣，始終呢啲股關係到民生甚至公公婆婆，希望佢快啲好返啦。
先前落了注的#2333長城汽車，一邊升一邊食，食下食下都食到無曬，上周五收市出業績，頭九個月跌11%左右，疫情下都不過不失了，反而要睇實最近的銷情回暖，及氫氣車，會隨時找機上番車，新能源車將仍是未來幾個月的重心。
講開版塊，醫療器材，新能源，物管，半導體，教育，疫苗一個個強板塊輪流莠謝，反而大市企番25000附近，如果只有「隊」市入貨或托市出貨，兩瓣揀，你覺得是邊瓣？答案亦都很明顯，只似係人在局中，看得太近，唔知進退啫。我又唔係先知，可以錯得狠狠，只是股海浮沉，見過滔滔大浪，海水飲得多飲到驚，細膽啫。想穩坐釣魚般，唔合理地好嘅利潤在手時，識得停一停，回望一下板塊與資金，睇睇大picture，市究竟係牛還是熊，再知所進退，係喺股市唔死的不二法門。
士佳說 - 張士佳 舊文
來源 source: http://skycheung.weebly.com
