士佳說 - 張士佳 2020年12月14日
【#士佳說 】張士佳：一些板塊脫穎而出
【#士佳說 】張士佳：一些板塊脫穎而出
踏入12月中，市場愈趨淡靜，先前幾個月熱炒的板塊，都有些cool down，明顯係無咩概念之下，既得利益者的獲利動作，我們星期五都有做一連串相同動作。
首先，我十日前講炒小型汽車零件，星期四升隻嘉瑞#822，星期五就到我講係重點的細價股信邦#1571，這些股當日都講，重注不易坐，現終於坐上來，兩隻都食三成至五成注碼，這板塊有排炒，但係輪流炒，唔係升升升升升，升完一輪細的，抖一抖，會炒番大價的如耐世特#1316，敏實#425，福耀玻璃#3606，但似乎唔係短期既事，齋食些#1571，#822算了。
煤股中煤#1898，把握住炒上的剎那，周五我也叫了食糊，賺蝕唔多，唔蹝彈藥，反而提到受惠宅經濟的聯想#992，果然上升，創近月新高，我才剛買，唔打算食住。
還有一個板塊我下了注，未有得食，仲艇緊，當日航機有升，我話不如炒機場，又唔洗受惠油價回升，結果買了首都機場#694，升得好好，亦已食埋，等炒下次，但食了之後，又手多買了國航#753，現在小艇幾個巴仙，買早了，若升穿6.8才買，效果應會好些。
ATMX中跑出的是X小米#1810，曾創歷史新高，周五衝了入去，收市做陰燭走先，但對此股唔死心，手機熱賣加AIOT係一方面，而雷軍八月發布會推銷的小米10至尊版，亦的確一洗過往小米手機低端的形象，在華為手機部門真空，蘋果青黃不接的時候，小米手機應該唔止得個平字，在對手低迷時，可脫穎而出。
熱炒股像汽車零件大型股，航運股，紡織股都回落，反而回落了的藥股，醫療器材，物管近周升番些少，是明顯的板塊輪動，可以看出，基金經理擇肥而噬，落袋先，但又怕甩左蝕底，所以補回一些更唔相關大市及已經日落的先前實力股，所以教育股應有得諗，天立教育#1773應值得望多兩眼。
周末我用程式掃股票，掃出結果唔多，証明個市有點高不成但不就，但有個板塊就算突出，就係軟件類，金蝶#268，中軟#354甚至金融類的百富#327也在其中，這3支股票，#327我食了2/3，想搵位入番，前兩者都有持有，#268有利潤在手，#354就等收錢，睇下我收還是對手收啫。
士佳說 - 張士佳 舊文
來源 source: http://skycheung.weebly.com
