異動空間｜博年結反彈點揀？（魏力）
翰森製藥創辦人鍾慧娟。中新社
點睇美聯儲議息結果？魏力會形容為「言辭上放鴿，但實際無行動」。憧憬加大買債規模？無；增購長債壓低長息？無；延長零息承諾？一樣無。鮑老只係同大家講：「未來經濟視乎疫情，但疫苗我都控制唔到，所以可以做嘅就係繼續買債，買到個
經濟復蘇、通脹去返2%、充份就業，咁先會考慮減慢放水。」呢樣嘢大家都知，而鮑老亦知道大家都知，佢照樣講多一次，樂觀去睇係定心丸，換個角度就係「冇咩可以再做」。
另外，鮑老有兩個觀點值得細味：一、炒經濟復蘇、商品價格升都係一次性，長遠對通脹影響不大，因為「要通脹升其實好難」。二、股市估值過高，但主要因為10年期債息遠低於歷史水平，目前問題不大，亦見唔到危險訊號。唔驚通脹、唔驚股市炒爆，講到咁白，盡曬力了。
執筆時，美滙指數終於跌穿90大關，2018年3月低位88.24為關鍵支持位，小心拜登上台前後會來個「物極必反」，眾人睇淡美元之下掉頭挾上。
弱美元之下，商品、航運股最為受惠，但如11月份低位冇買過，冇贏過錢，目前亦無謂高追，始終美滙指數接近支持位，耐心等回調再吸較為上算。另一邊廂，醫保談判塵埃落定，帶動醫藥股、醫療設備股來個「年結反彈」，穩穩陣陣可留意隻翰森製藥（3692），33元水平形成「雙底」後反撲，頸線位於37.2元，如升穿可望挑戰歷史高位40元水平。
筆者為證監會持牌人，未持有上述股份財務權益。
www.facebook.com/2012jason
www.instagram.com/ngailik.stocks/
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
異動空間 - 魏力 舊文
來源 source: http://hk.news.appledaily.com
