廣告人語 - 畢明 2020年12月23日
問你食唔食(二)
午餐肉加Oreo漢堡包，就算不是重口味，都一定是另類口味，驟眼看未必容易接受，實際上也不容易嚥下，於是有眼利Twitter KOL指出，這新口味麥記漢堡的廣告上，有Spam午餐肉的logo，Oreo的商標卻芳蹤杳然，可能曲奇名牌覺得唔對路，費事太高調，萬一炒車也可細細聲唔多覺。
不過新口味這回事，有時真是你有你嘅口味，我夠覺得你啲口味係錯㗎咯。當神州大地推出午餐肉Oreo漢堡，西方媒體紛紛報以O咀及畫家Edvard Munch的名作——“The Scream”，說甚麼 “I’m hating it”，網絡上，又很多普羅消費者表示雀躍，真心想試，認為很新奇有創意。
也不過是吃個包吧，你自己不喜歡，也不用打打殺殺嘅，據在下做了多年快餐連鎖店的經驗，主要大品牌我都做過了，也慣了職業病常留意外國快餐店的新口味，有時是純為了短暫談論性炒作眼球的，不必太認真。
你看，Burger King有過「西多士漢堡」(兩塊西多夾漢堡牛肉)、Little Caesar(美國第三大薄餅店)試過有「栗米片toppings pizza」都唔係人咁品。
廣告人語 - 畢明 舊文
來源 source: http://www.am730.com.hk
