士佳說 - 張士佳 2020年12月23日
【#士佳說 】張士佳：識入識走才叫遊擊
【#士佳說 】張士佳：識入識走才叫遊擊
這個聖誕節前夕又出現令人沮喪的消息。英國發現了新的病毒，而且南非也發現了變異的病毒，市場又擔心最新的疫苗有可能防禦不了新的病毒，歐洲各國現已採取最高級別的預防措施，各國都擔心經濟前景復蘇困難重重，猶幸美國隔晚通過9,000億美元振興經濟方案，股市收復失地，只是微跌，但後者是一次性措施，前者先至係人類的大考驗。
昨天資源股金銀銅鐵鋁被洗，市場擔心需求出現變化。清潔能源如信義光能#968、福萊特玻璃#6865、洛陽玻璃#1108等也以跌收場，這些股明知仲有得升，但風聲太行時就會殺一殺倉，所以買這些股要識坐識走位，如果唔識，就只有細注揸長，揾些壓倉便算。這些股有機會屬於被市場情緒錯殺的，需求並沒有減少，我會等枝像樣陽燭加返半，好似當日加比亞迪#1211咁。
美股最後的好消息都出埋，我就食咗一堆美股，唔食曬都食半，好像TSLA/BIDU/TSM，有些升得太勁嘅像BLNK/SPWR/SHOP就食1/3，繼續開返BABA淡倉，然後等位買番ZM及DOCUSIGN，好消息盡出暫時學人歲晚收爐。
下跌之下，美股炒價落力炒半新股，像FUBO，AI，MNSO，ABNB，TTCF等半新股已經被市場非常瘋炒，目的是翻倍以上。港股的半新股亦給力，泡泡瑪特#9992也是再度往上拓展，我未參與，升得最誇張的是京東健康#6618，就有我份，正是由ipo炒上翻倍的典範，而且只用了十日，非常厲害。
表現亮眼的，還有藍月亮#6993及農夫山泉#9633的互動炒作，可以列入教科書經典，點解炒點解走，上次視頻我已有講到些端倪。呢兩隻股我一直都視為同類型，雖然一隻飲得一隻唔飲得，但都係大市值內循環品牌半新股，銷售嘅產品都唔係單價好貴好貴嘅奢侈品，連冧巴都差唔多，藍月亮未上市前見到資金走出山泉9633去抽新股，12月16日，藍月亮上市，雷聲大雨點小，上午已經見到冇勢頭，亦同時見到山泉冉冉上升，致午飯後9633一舉突破$43.8，資金返嚟炒農夫山泉，連本來冇農夫山泉只係有藍月亮嘅資金都轉咗嚟炒山泉，唔使諗係一個值博率好高嘅投機，所以我叫大家買藍月亮不如買山泉。
翌日本欄都有提，結果四天山泉就坐到$49。上星期五，我見藍月亮開始見底回升，資金亦好可能又從#9633回到#6993，我即叫飲泉水，正好見短期頂。其後藍月亮升了兩天又十巴仙，炒唔炒藍月亮就悉隨尊變了。唔好以為呢種操作已經過去，未來仲有好多嘢可以睇到。
弱勢市場資金就湧入大消費是首選，除了#6993藍月亮有望成爲風向標，大品牌的消費股如安踏體育#2020、#2331李寧都值得信賴，特別是酒類個股，在A股市場已經成爲了神話，無論是白酒、黃酒、紅酒和啤酒，都被市場資金搶購一空, 留意港股市場的青島啤酒#168、華潤啤酒#291都會比市場穩定。
講多句，安踏 #2020 公佈向美國出售健康器材業務Precor 全部權益，昨日利好股價。早前安踏傳出有興趣從Adidas競購Reebok，突然有出售行動未知是否有後續動作。
另外，在疫情發酵之下，又在炒作口罩、防疫出口類，呼吸機#1612 在橫行收集已久後, 昨天有突破可關注，短期或會炒上一浸, 但之前向上蟹貨亦不少，加上擔心防疫用品的氾濫其概念已或被弱化.
股方面，中手遊#302出現異動。針對此前“字節跳動擬收購中手遊股份”傳言，中手遊方面迴應稱，公司跟字節跳動合作確實比較緊密，但此次傳言並不屬實，稍後會有公告出來，請以公告爲準。昨天的誇張升勢看來也不完全是空穴來風，我會持續關注其後續消息公報。
上次視頻及本欄都有襯當時高位沽住期指來炒個別板塊遊擊，我265xx／266xx都有沽，現在有點斬獲，但最重要係個股buy and hold真不是潮流，任你幾咁好嘅股回調都可以好深，好似我好鍾意嘅3800保利協鑫能源，上星期五同同學分享可以食，轉眼間已經由1.64跌到1.31，呢隻股我又係睇好未來，但係如果你唔識走位，幾日兩三成下跌未必人人頂得住，所以有方法有心法比貼士更加重要。這種高勝率遊擊戰有排炒
士佳說 - 張士佳 舊文
來源 source: http://skycheung.weebly.com
