士佳說 - 張士佳 2021年4月29日
【#士佳說 】張士佳：市靜唔等於冇股炒
【#士佳說 】張士佳：市靜唔等於冇股炒
美國聯儲局公布議息結果，未有暗示收水，重申會運用所有政策工具支持美國經濟，以促進全面就業及物價穩定的目標咁話。
內地股市造好帶挈港股期指結算前夕反覆向上，最終倒升超過130點，以全日高位收市。投資者觀望美國聯儲局議息結果，大市成交額減至1300億左右元，為近兩周低位。北水淨流入8億元，連續9日淨買貨，港股通由今天起連續5個交易日暫停，唔知係唔係北水買定貨夾高d個市等假期回來返嚟食糊呢。
中港市場上的資金仍然十分熱衷追逐有動力板塊，不少醫療健康股上升如#6618京東健康 及#241阿里健康。內地創業板指數升2%，也是由醫療股推動。我入咗康希諾#6185，打算坐上去，而百濟神州#6160/康方生物#9926，都係短炒之選，尋日上咗車，但係要識得落車，打算一見阻力會落。
市靜唔等於冇股炒，尋日最熱門當然係毛記葵涌 #1716/賓仕國際#1705，我自己都只當係GME，香港版咁炒即日，食完就算。
長線d嘅不如留意物管股，我早個幾禮拜都話過畀大家聽呢個板塊要關注，#2202萬科計劃分拆物管業務在港上市，集資約20億美元。相關物管類都被拉起捧場，#6049保利物業、#2869綠城服務、#1995永升生活服務三隻升幅最多；而龍頭#6098碧桂園服務向來都是基金最喜歡的業績穩定現金流又高, 昨天就創出了歷史新高值得持有，另外可留意#9909寶龍商業穩中上升。
擁有亮麗業績也不一定會推高股價，#388港交所昨天公布首季盈利增長70%，創下季度新高，唯市場覺得未有太大驚喜，收市微跌。其實之前由450蚊炒上498蚊已經充分反應了。其實港交所的業績透明度頗高，大家留意成交等數據便可，所以港交所的表現都幾反映市場情況，港股悶局，港交所也難逆市大升，小升可以。相比之下，#05滙控公布業績後股價表現較有韌力，昨天再彈3%。
科技股仍有隱憂，螞蟻集團遭監管部門整頓後，餘波未了，傳中央正調查螞蟻上市速獲批原因。小米對手OPPO籌備造車，加上主要市場之一的印度疫情嚴峻，小米收跌近4%回去25蚊邊，其實小米都係25-27附近行range，跌番去25蚊附近似有承接，期盼印度疫情好轉。
市後有比亞迪#1211公布業績，首季度營業收入為409.9億，按年增加108%，純利按年增長1.1倍，至2.37億元。比去年第四季純利8.2億元，其實有點回落。不過3月公布全年業績時已提到首季的預期純利約2-3億元，現時表現尚算合格。
假期前手遊股似乎炒個不停，#2400心動再升超7%，月內已升超左50% ，大機構看好TapTap與自研遊戲協同發展; 遊戲股我就鍾意細細價的容易被炒起； 字節跳動旗下”朝夕光年”與#302中手遊聯合出品的《航海王熱血航線》正式上線，首日登頂App Store免費總榜榜首、遊戲暢銷榜第七，有望成爲字節跳動首款成功重度遊戲，所以諗住短炒到見阻力，執筆時突然見到配股畀B站，唔做陰燭就應該冇壞吖；另外一隻近期國內領先的女性向遊戲公司#6820友誼時光好消息不斷，在B站、TapTap等多個平臺同步首曝了旗下《杜拉拉昇職記》新遊CG，短時間內預約量已破萬，我自己就未入手，密切留意中，其實行業數據國產手遊3月收入達近23億美元,佔全球收入近四成，昨晚美國上市的NTES.US逆市升超過2%，有新的遊戲版號獲批，今日可觀察#9999網易能否再下一城。
體育用品股矚目，#2020安踏升4%，為最強藍籌，#2331李寧再破頂，但倒跌收市，#1361 361度則創逾3年高，3日升2成。體育用品股已經炒咗一段時間， 小心龍頭李寧倒跌，我尋日就中伏，不如留意隻做體育服裝鞋履分銷商的#3813寶勝國際，等做了靚突破，後市或有較大上升空間，加上估值相對便宜。
資源股提一提內地出招壓鋼價實行出口關稅，稅率介乎15%至25%。預料這情況在其他行業也會出現，以紓緩國內金屬價格上漲的壓力，鋼鐵，鋁銅相關股價立即調整，之前資源股大升獲利盤甚豐，現受政策影響暫時觀察一下先。
士佳說 - 張士佳 舊文
來源 source: http://skycheung.weebly.com
