士佳說 - 張士佳 2021年7月28日
【#士佳說 】張士佳：短期反彈正常，但預示性不大
【#士佳說 】張士佳：短期反彈正常，但預示性不大
七月初曾提大家嚴守止蝕，更加唔好左側交易貪平手多多，七月中藉反陣再叫學生沽多D貨，其實連串沽貨行動，除咗圖表我都搵唔到原因，但呢一刻好多消息就出晒黎。
由多重密集監管政策觸發，引發連鎖利空反應，已屬非理性暴跌，外資又狠沽套現，再加上美國限制基金投資中港嘅傳聞，呢啲如果係真，骨牌式下跌係屬於正常。
尋日，我哋有按lego方法追沽，估唔到即日已經有1000點，食糊補下身。依家政策消息主導，變成成個市場冇smart money，因為啲聰明錢都唔聰明，好多都輸錢，今次決策嘅層面太高，嗰啲平時收開風的insider ，完全變咗局外人，你睇吓教育股物管股，睇左佢哋單日跌幅就知有點突然。
連跌兩日，今日有反彈唔出奇，但根據我對呢種暴跌嘅經驗，彈完散嘅機會，比見底大，所以如果你一心博彈，都必須要有預咗穿底嘅心理準備，以及應對。嚴格啲來講而家前路仍未清楚，今日嘅彈，對將來嘅預示性唔大，但又唔係好得閒冇嘢做，機會係跌出嚟，而家正好將個市變成照妖鏡，睇吓邊啲股跌得少，率先翻身，就係你返翻身嘅好機會。
昨日晚上飯聚，有啲朋友提議即日改揸美股，沽港股，即時換美股，呢個係更危險嘅動作，宜家玩緊雙方攬炒，人哋在高位可能未跌，你而家轉過去，隨時食完香港跌幅，即手再食美國跌幅。兩邊中曬，傷上加傷。
總之，現時市場能見度唔高，揸車揸船，適合減速慢行，以唔炒車為大前題，不要心急。
回報係獎賞有耐性嘅人。
士佳說 - 張士佳 舊文
本文作轉載及備份之用 來源 source: http://skycheung.weebly.com
