士佳說 - 張士佳 2021年9月7日
【#士佳說 】張士佳：此落彼起
【#士佳說 】張士佳：此落彼起
昨日港股在A股護航下再回勇，ATMXJ 中以騰訊#700表現最強，微信雲存儲付費服務，又有新的可觀生意收入；期待已久的LOL(英雄聯盟)的手遊版終於推出廠，近期又不斷回購，北水連日都加倉，就算是即市及短線整固都顯得溫和，如果硬要買科技股，#700 算係唔錯嘅選擇，不過我局限自己在科技股持倉，所以我冇買。
假期回來，最值得注意的是西非國家政局不穩加劇市場對鋁供應的憂慮。鋁價升至10年新高。LME期鋁一度高見2011年5月以來最高水平，俄鋁#486最值博，因爲欲重啓停產13年的意大利氧化鋁精煉廠，開市已 gap up14%。相信鋁業在需大於供下值得期待，較為落後的#2068中鋁國際，#2600 望多兩眼，俄鋁升幅太大回一回再上最合適。
國家發改委公報『十四五推進西部陸海新通道高質量建設實施方案』，概念都係相繼續利好基建走強，先前提到了主要有水泥，昨日我都有食糊，見陰燭就會食晒，要炒好多嘢炒，基建三寶中建都升到蹦蹦聲，應該比水泥表現仲要穩定。
電力新能源股整體受壓。市場似在轉theme，其實昨日已觀察到市場炒埋細價的清潔能源，整個板塊升勢係咪要休息一下？所以同學生研究食咗大部份電，最後啲電都做出長天線，剩係留返經除息調整後的#3996中國能源建設算。
CRO概念冒起， 熱門的有泰格醫藥#3347、藥明康德#2359，而藥明巨諾#2126公佈公司生產的瑞基奧侖賽注射液獲批上市，這是今年最新中國首款CAR-T細胞治療產品，勁升22%，以上這些太反覆我唔敢掂，我只集中注意比較少蟹貨的半新股#2137騰盛博藥-B，其公佈新冠肺炎中和抗體3期臨牀數據表現積極，再比較圖表跟#2171科際醫藥醞釀破頂大升之前走勢係一模一樣的，值得關注。
做下功課，又輪到消費股如奶類#2319蒙牛乳業，#9922九毛九，5G 類#6869長飛光纖，吼機會博短炒。
士佳說 - 張士佳 舊文
本文作轉載及備份之用 來源 source: http://skycheung.weebly.com
