操盤手劄記│恒指季檢又開跑（割柑人）
操盤手劄記│恒指季檢又開跑（割柑人）
恒指公司將於周五公佈季檢結果，尋寶熱潮一觸即發。
中共六中全會上周四閉幕，通過第三份歷史決議，並敲定明年下半年召開二十大。中港股市喺四日會議期間，內房股反低潮，融資渠道鬆綁。內地房地產作為全國最大產業，周
邊產業鏈龐大，牽涉上下遊超過50個行業，例如建材、家具、電器、物業管理，如今資金壓力紓緩，一連串產業鏈都可穩住。中港股市後市，要睇六中後嘅政策方向，同「習拜會」嘅成果。
美股、外匯、加密貨幣免費即時報價，自選投資組合獲取相關新聞提示。
中國國家主席習近平周二朝早（美國時間周一傍晚）同美國總統拜登視像會面，市場預計，雙方將會致力化解分歧、修補關係；不過，喺台灣、香港、新疆等議題上難望會有重大突破，但其他議題可望會有進一步共識，例如放寬簽證限制、緩和貿易摩擦，甚至會有措施紓緩全球通脹壓力。除咗「習拜會」，本周仲有兩個焦點：北京交易所周一開市、恒指季檢周五揭盅。
科技股敗部再戰
港股上周雖然連升四日，但上周五陰燭收場，收25327。睇日線圖，恒指仍受制20天線（現處25436）；睇周線圖，則MACD出現買入訊號，可望上試20周線（現處25871）阻力，然後100周線（現處26368），該線7月底失守後，恒指三度反彈仍受制該線，該線亦近頭肩底頸線，阻力更大。港股近來得個悶字，隨著美股接連破頂，投資者轉戰場博殺，若港股再冇催化劑，估計短線仍炒上落波幅。
被視為中國版納斯達克（NASDAQ）嘅北京交易所開市，成為創新型中小企業主陣地。近年恒指季檢，亦見科技股相繼晉身藍籌，上周科技股回穩，係咪預示再有科技股染藍，成為港股催化劑呢？睇返上次8月季檢，京東（9618）、百度（9888）、網易（9999）等回港第二上市嘅大型中概科技股都大熱倒灶，今次再跑馬仔，有冇科技股跑出？有幾多隻跑出？周五收市後開估！
農夫偷步炒染藍
市場預計，由於科技股近期較為波動，負責甄選嘅顧問委員會，對科技股取態亦會較為審慎，反而大型內需消費股入圍機會更大。唔計藍籌，喺消費股中，現時市值超過2,000億元嘅有思摩爾（6969）、農夫山泉（9633）、華潤啤酒（291），市值分別為2,374億元、2,228億元、2,047億元；不過，思摩爾做電子煙生意，監管風險較高，股價波動較大，只算次熱，農夫、潤啤更熱。至於黑馬，市值1,534億元嘅公用股新奧能源（2688）有機跑出，畢竟公用股佔比偏低。
睇返藍籌換馬熱門之一農夫，上周五股價裂口高開近半成後，午市升幅一度擴至9.1%，收市仍升8.5%，收44.25元，見近四個月高位。公司上月曾被謠傳樽裝水受汙染，股價跌穿37元，公司否認兼報警處理，事隔不足一個月，股價至今已反彈兩成。該股上周五喺冇消息下突然抽升，估計係同炒染藍嘅偷步買盤有關。
割柑人
曾任財經記者、編輯，在本港報章撰寫財經專欄逾十年
www.fb.com/hkstockpicker
本欄逢周一刊出
操盤手札記 - 割柑人 舊文
本文作轉載及備份之用 來源 source: http://hk.finance.yahoo.com
