士佳說 - 張士佳 2022年1月24日
【#士佳說 】張士佳：西方暴雨東方微
【#士佳說 】張士佳：西方暴雨東方微
上星期指數爆升800幾點的大陽燭，似乎引證港股有機會進入new chapter，盡管A股跌，美股又大瀉，夜期跟跌幅度不太大，暫仍守24600之上，今日又係低開，睇下又會唔會化險為夷，暫時整體波幅仍一底高於一底，反覆向好，個股亦開始好玩，喜見有連續性的上升趨勢。
比如說內房地產板塊，先前監管放鬆一下，又有過年降准嘅預期，具有高信用、低融資負債、儲地優勢的央企龍頭內房反而應短線下跌，但下跌過後，中長線都值得重視，因優勝劣敗過後，有降準兼減息政策支持，市場及國內外投資機構們都期待地產行業回暖，跟進重複講過的華潤置地#1109、中國海外發展#688，龍湖集團#960等，在很短時間內回一回若再衝上破阻力，策略上應細注長揸；短炒就炒下融創#1918，世茂集團#813等低残的反彈波幅，從而捉住內房股輪動嘅節奏。
唔想掂咁大波幅的內房，可考慮保險企業，因內房有起息，保險企業受捧，平保#2318仍是首選，已經是第二次回落再上，筆者留意逢低吸納，去250天附近位置值得期待。其他中國太保#2601，中國太平#966，新華保險#1336等亦可以炒一炒。
基建股方面，上周提到的基建三寶都急升衝高，要知道基建鐵路有這樣的表現是少有的， 水泥重型器械其實也是不錯的選擇。比較好的仍是中聯重科#1157，中國建材#3323，海螺水泥#914等。
講下疫情發展，睇到國際專家醫生分析話，Omicron 變異株的南非疫情正在走向終結，數據顯示，每日新增病呈直線下降。據世衛組織1月20日宣佈，大流行將結束，關鍵節點是3月底。系中國香港等亦有專家出嚟講，雖然現時Omicron成為主流病毒，但事例引證到病毒周期去到最後，病毒會傳播力高，但致命或重症比率低；未來有機會如冬天流感般，每年打流感疫苗及一劑新冠疫苗，就會更有效針對Omicron變種病毒，只要咬緊牙根，繼續堅守防疫措施多一段時間，相信會走到疫情尾段，漸見曙光。
消息一出，加上國家發佈了關於做好近期促進消費工作的十項促消費舉措。大消費股趁勢再炒，航空、機場旅遊，餐飲及食品飲料等，經濟內循環消費板塊成爲週五主要亮點。
之前提到的海昌海洋公園#2255，再破頂，但係做陰燭，發現佢好鍾意破頂陰燭，但之後又再慢升，由2.7開始講，依家都升了2成。旅遊出行同程旅行#780，復星旅遊文化#1992反彈較多，但阻力唔細。不如留意返新秀麗#1910，及北京首都機場股份#694，中國疫情防控做得不錯，國內線國際線有望最快恢復。
飲品市場重新注視青啤#168、潤啤#291、百威亞太#1876、農夫山泉#9633等。若果疫情可盡快完結，中國旺旺#151，日清#1475等就自然回落，出外就餐，升級消費等概念隨時復興。
如娛樂大消費首選是博彩金沙中國#1928，銀河娛#027等，暫時中國澳門係疫情控制得最好的，暫時看似是世界上最安全嘅地方，通關日期指日可待，市場炒憧憬加上賭牌問題有著落，金沙#1928圖表表現都回一回再上，動力很不錯。
咁多嘢升，講下啲跌既股；疫情概念股顯著調整，歌禮制藥-B#1672大跌2成，炒疫情就係預咗咁，先走為敬。原因國內藥企首度獲准授權，仿製生產Merck口服COVID-19抗病毒藥物。咁國內新冠口服藥在研公司就會面臨額外競爭壓力。
還有海運股繼續下挫，航運股都幾跟疫情情況去炒，炒下吾炒下咁，中遠海控#1919，東方海外國際#316，嘉里物流#636等，如果再跌穿支持位，先走避下，吾想呆等，不如換下對象。
通脹的壓力也愈來愈大，資源價格上升，顯而易見。如果油價再出現大漲，恐怕會引發大宗商品的漲價，如鋁、銅，煤等，地產、基建經濟復甦也會加大需求，短炒的在鋁，如中國宏橋#1378、中國鋁業#2600、紫金礦業#2899、江西銅業#358等，而煤兗州煤#1171、中國神華#1088則長些少，之前有講買最大最細，一直持有等位食，#1733易大宗由$0.9已經話買，已升有4成多，上星期加入神華炒埋呢一轉。
最後講下科技股ATMXJ上週反彈力度強度不錯，尤其是TM，及中概股對美股納指的負面下跌反應不大，是頗佳景象。可留意下阿里巴巴#9988都幾反映科技指數上落，如果唔再穿底，科技股可能會慢慢轉好，暫時我只持有美團，先前細注買入嘅A，食咗先，等突破再買。
現在環球股市情景在“東方升，西方落”，美股殺跌，不斷先高後低，中港股反越戰越勇，希望在轉角，坊間對港股失望至極點或深信仍未見底，不敢買貨，似乎成為近期一種現象。但最重要的，不要再執意美股仍然氣勢如虹，其實市場都是先沽為敬；至於會不會連累港股再沉底，暫時未知，但當道指納子標普有反彈時，就是美股走貨機會，亦是港股吼回買上時候。
士佳說 - 張士佳 舊文
本文作轉載及備份之用 來源 source: http://skycheung.weebly.com
